ننګرهار -- خامه پرېس د دوشنبې په ورځ /د اکتوبر ۳۰ مه/ راپور ورکړ، چې افغان امنیتي ځواکونو په ننګرهار ولایت کې په چاودېدونکي موادو بار دوه اسونه ونیول.
د ولایت د رسنیو دفتر په یوه خبرپاڼه کې وویل، چې د ملي امنیت د ریاست منسوبانو دغه اسونه د یکشنبې په ورځ /د اکتوبر ۲۹ مه/ په دوربابا ولسوالۍ کې ونیول. په اسونو باندې خواوشا ۵۰ کیلوګرامه چاودېدونکي مواد بار ول.
په خبرپاڼه کې راغلي، چې په دې تړاو هېڅ مشکوک کس نه دی نیول شوی.
