https://afghanistan.asia-news.com/ps/articles/cnmi_st/newsbriefs/2018/09/21/newsbrief-01

افغان ځانګړیو ځواکونو په کندهار کې ۱۸ طالب اورپکي ووژل

سلام ټایمز

کندهار -- پژواک خبري اژانس د پنجشنبې په ورځ /د وږي ۲۹ مه/ راپور ورکړ، چې افغان ځانګړیو ځواکونو په کندهار ولایت کې د تصفیوي عملیاتو په ترڅ کې لږ تر لږه ۱۸ تنه طالب اورپکي ووژل او ۱۹ تنه نور یې ټپیان کړل.

چارواکو د پنجشنبې په ورځ وویل، دغه عملیات، چې هوایي ملاتړ ورسره وو، د چارشنبې په ورځ /د وږي ۲۸ مه/ په شاه وليکوټ ولسوالۍ کې ترسره شول.

د کندهار د والي ویاند، عزیز احمد عزیزي، وویل چې امنیتي ځواکونو د دغو عملیاتو په ترڅ کې لږ تر لږه ۱۹ تنه اورپکي ونیول.

هغه زیاته کړه، چې عسکرو ۲۵۰ کیلوګرامه چاودېدونکي مواد، ۳۸ د پرسونل ضد ځمکني ماینونه او ډېرې سپکې او درنې وسلې ویجاړ کړل.‌

طالبانو سمدلاسه څه نه دي ویلي.

آیا دا لیکنه ستاسو خوښه شوه؟
0
0 تبصره
د تبصرو تګلاره