مزارشریف -- د افغان ملي اردو ۲۰۹ شاهین قول اردو د پنجشنبې په ورځ /د مرغومي ۲۰ مه/ په یوه اعلامیه کې وویل، چې یوه هوایي برید د بلخ ولایت په چمتال ولسوالۍ کې د دغې ډلې د یوه مهم قوماندان په ګډون لږ تر لږه ۲۱ تنه طالب اورپکي ووژل.
په اعلامیه کې د پېښې په هکله د جزیاتو له ورکولو څخه پرته راغلي، چې مولوي عبدالبصیر، چې د بدر په نامه هم مشهور وو، په ډېرو ترهګریزو بریدونو کې لاس درلود.
طالبانو په دې هکله سمدلاسه څه نه دي ویلي.