هلمند -- د ولایت د رسنیو دفتر د دوشنبې په ورځ /د وري ۱۲مه/ په یوه اعلامیه کې وویل، چې د ایتلاف یوه هوایي برید په هلمند ولایت کې لږ تر لږه پنځه طالب اورپکي ووژل.
په اعلامیه کې راغلي چې دغه عملیات د دوشنبې په ورځ په موسی کلا ولسوالۍ کې ترسره شول.
اعلامیه زیاتوي، چې په وژل شویو کې د حافظ رشید په نامه د طالبانو یو محلي مشر چې د رسنیزو فعالیتونو مسؤل وو، شامل دی.
اعلامیه وایي، چې د طالبانو یو بل محلي مشر سخت ټپي شوی دی.
