https://afghanistan.asia-news.com/ps/articles/cnmi_st/newsbriefs/2019/06/11/newsbrief-04

افغان ځواکونو په بغلان او کندوز کې د طالبانو له زندانونو څخه ۴۷ تنه بندیان وژغورل

سلام ټایمز

کابل -- چارواکو وویل چې افغان پولیسو او ځانګړیو ځواکونو دوشنبه /د غبرګولي ۲۰مه/ د شپې له مخې په دوه جلا جلا عملیاتو کې په بغلان او کندوز ولایتونو کې د طالبانو له زندانونو څخه لږ تر لږه ۴۷ تنه بندیان وژغورل.

د کورنیو چارو وزارت د سې شنبې په ورځ /د غبرګولي ۲۱مه/ په یوه اعلامیه کې وویل چې پولیسو په بغلان ولایت کې عملیات ترسره کړل او د طالبانو په یوه زندان کې بنديان لږ تر لږه ۳۴ کسان یې را ازاد کړل.

اعلامیه زیاتوي چې په ازاد شویو کسانو کې ۷ د اردو عسکر، ۷ پولیس افسران، ۳ د ملي امنیت ریاست منسوبین او ۱۷ ملکي کسان شامل دي.‌

د ځانګړیو عملیاتو قول اردو د سې شنبې په ورځ په یوه اعلامیه کې وویل چې له دې جلا افغان ځانګړیو ځواکونو د کندوز ولایت په اقتاش ولسوالۍ کې د طالبانو له یوه زندان څخه ۱۳ تنه بندیان را ازاد کړل. په اعلامیه کې نور جزیات نه دي وړاندې شوي.‌

آیا دا لیکنه ستاسو خوښه شوه؟
0
نه
0 تبصره
د تبصرو تګلاره
Captcha