امنیت

|

په ننګرهار او هرات کې موټرسایکل بمونو ۵ تنه ملکیان ووژل

سلام ټایمز


افغانان د کب په ۲۸مه په جلال اباد کې له یوه بمي برید څخه وروسته له یوه ټپي شوي سړي سره مرسته کوي. [نورالله شېرزاده/ای اېف پي]‌

افغانان د کب په ۲۸مه په جلال اباد کې له یوه بمي برید څخه وروسته له یوه ټپي شوي سړي سره مرسته کوي. [نورالله شېرزاده/ای اېف پي]‌

ننګرهار -- دوه موټرسایکل بمونو د دوشنبې په ماسپښین /د کب ۲۸ مه/ د ننګرهار ولایت په جلال اباد او د هرات ولایت په شینډنډ کې لږ تر لږه ۵ تنه ملکیان ووژل.

دغه دواړه چاودنې د یو ساعت په زماني توپیر سره پېښې شوې.

ای اېف پي راپور ورکړ، چې د جلال اباد چاودنه هغه وخت پېښه شوه چې د اورپکو د یوه پخواني قوماندان ګلبدین حکمتیار ملاتړيد فوټبال په یوه لوبغالي کې له یوې سیاسي غونډې څخه وروسته وتل.


د کب د ۲۸ مې یو عکس په جلال اباد کې د ګلبدین حکمتیار لپاره د راټولې شوې سیاسي غونډې بیروبار مخکې تر دې ښیي چې یوه موټرسایکل د هغه ملاتړي په داسې حال کې ووهل چې هغوی د فوټبال له سټیډیم څخه ووتل. [د ننګرهار د ولایت د رسنیو دفتر]

د کب د ۲۸ مې یو عکس په جلال اباد کې د ګلبدین حکمتیار لپاره د راټولې شوې سیاسي غونډې بیروبار مخکې تر دې ښیي چې یوه موټرسایکل د هغه ملاتړي په داسې حال کې ووهل چې هغوی د فوټبال له سټیډیم څخه ووتل. [د ننګرهار د ولایت د رسنیو دفتر]

حکمتیار، چې تېر کال له افغان حکومت سره د سولې د یوه تړون له لاسلیکولو څخه وروسته عادي ژوند ته راوګرځېد،په غونډه کې حاضر وو،‌ خو دا معلومه نشوه چې ایا هدف هغه یا د هغه ملاتړي ول.

د ننګرهار د والي ویاند عطاءالله خوګیاڼي وویل، چې د ۴ کسانو مړینه او د دوه ماشومانو په ګډون د ۱۰ نورو ټپي کېدا تاییدوي.‌

له دې جلا، طلوع نیوز په هرات ولایت کې د یوه چارواکي له قوله وویل، چې لږ تر لږه یو کس د دوشنبې په ماسپښین په یوه مزدحم مارکېټ کې په چاودنه کې ووژل شو.

سمدلاسه هېڅ ډلې د یوې پېښې مسؤلیت هم نه دی اخیستی.‌

د کورنیو چارو د وزارت ویاند نجیب دانش وویل، چې په عین حال کې، یوه ځانمرګي موټر بمي برید د شنبې په ورځ /د کب ۲۶ مه/ لږ تر لږه ۲ تنه ملکیان په کابل کې ووژل. طالبانو د دغه برید پړه پرغاړه واخیسته.

د کورنیو چارو د وزارت مرستیال نصرت رحیمي وویل، ځانمرګي بمي بریدګر د ګلوبل سیکیوریټي شرکت (G4S) په لور موټر ور روان کړی وو «خو هدف ته له رسېدلو څخه مخکې یې ځان ته چاودنه ورکړه».‌

آیا دا لیکنه ستاسو خوښه شوه؟

Ca mobile no 0

تبصره

* ضروري برخې ښيي
Captcha

مهم خبرونه

نادر ورېښمین قران کریم د افغانستان د کلتوري میراث په ساتلو کې مرسته کوي‌

هغه خطاطان چې کار یې پرې کړی، وایي، د دغه قران کریم بشپړولو دوه کاله وخت نیولی او له مذهبي او هنري اړخه 'بې ساري ارزښت' لري.‌

د رایو شمېر

څومره احتمال لري چې په طالبانو کې به له وروستي اوربند څخه، چې په یاده ډله کې یې وېشونه وښودل، وروسته،‌ درزونه رامنځته شي؟

نتایج وګورئ