په عکسونو کې:‌ افغانان راتلونکي ته په هیله او خوښۍ سره کوچنی اختر لمانځي

کابل -- د هېواد په بېلابېلو برخو کې افغانانو وروسته له هغه یو نسبتاً سوله ییز کوچنی اختر ولمانځه چې طالبان له افغان حکومت سره د روژې د پای لپاره د یوه موقت درې ورځني اوربند په سر هوکړې ته ورسېدل‌.‌

د دې لپاره چې طالبان د مذاکراتو مېز ته راولي، افغان حکومت د غبرګولي په ۱۷ مه د یوې اونۍ په مخه اوربند اعلان کړورسره یادې ډلې د غبرګولي په ۲۲ مه د اوربند اعلان وکړ. طالبانو موافقه وکړه چې د غبرګولي په ۲۵ - ۲۷ مه اوربند وساتي.‌

کابل د غبرګولي په ۲۷ مه له طالبانو سره اوربند د ۱۰ نورو ورځو لپاره اوږد کړخو ویې ویل چې امنیتي ځواکونه به،‌ که برید پرې وشي، له ځانونو څخه دفاع وکړي.‌

ولسمشر اشرف غني همدارنګه له طالبانو څخه وغوښتل چې خپل اوربند اوږد کړي، خو د اورپکو یادې ډلې وویل چې جنګ به بیا پیل شي.

خو د کوچني اختر په لومړیو درې ورځو کې، د طالبانو او افغان امنیتي ځواکونو له خوا د طبیعي لمانځنو د خوښۍ صحنو وښودله چې دواړو خواوو ته ډېر جنګیالي له جنګ څخه ستړي دي.‌

په داسې صحنو کې، چې یوازې څو ورځې مخکې یې ګومان هم نه کېده، د هېواد په بېلابېلو برخو کې طالب جنګیالي او امنیتي ځواکونه په داسې حال کې ښودل کېدل چې یو له بل سره یې غېږې کولې او سېلفي عکسونه یې اخیستل.‌

ملکي خلک، چې د خونړي جنګ لمبو سختې ضربې ور رسوليد کابل په شمول په ښاري سیمو کې، چې اورپکي به یوازې پرې د حملو کولو لپاره ورتلل، هم په ورغلیو یاغیانو ورټول شول او ښه راغلاست یې ورته وویل.‌

د طالبانو قوماندان بابا د غبرګولي په ۲۶ مه په ننګرهار کې د لمانځنو په ترڅ کې ای اېف پي ته وویل، «تر اوسه پورې مونږ اوربند ښه مراعت کړی دی،»

هغه،‌وویل،‌«ټول له جنګ نه ستړي دي،‌ او که زمونږ مشران مونږ ته حکم وکړي چې اوربند ته دوام ورکړو، مونږ به یې د تل لپاره وساتو،»

د جلال اباد یوه ۳۵ کلن اوسېدونکي هلال الدین سلام ټایمز ته وویل، «ما به ځان ته نوي کالي او بوټان نه اخیستل ځکه چې ما له پخوانيو اخترونو څخه خوند نه اخیست. سږ کال ما نوي کالي او یو نوی واسکټ واخیستل چې سوله ییز اختر ولمانځم.»

[له کونړ ولایت څخه خالد زېري د دې راپور په برابرولو کې همکاري کړې ده.‌]