په عکسونو کې: کابل ته د سرکس په راتګ سره د ښار ماشومان د خوشالۍ چیغې وهي

کابل -- په کابل کې ماشومانو تېره میاشت له خپلو ورځنیو کارونو څخه دمه وکړه چې د ماشومانو لپاره د یوه ګرځنده کوچني سرکس د یوې برخې په توګه له برابرو شویو ساعت تېریو، خوښیو او خنداګانو څخه خوند واخلي.

په دغه فسټیوال کې، چې د زمري له ۱۰مې څخه تر ۱۷مې پورې د کابل په بابرباغ کې ترسره شو، ډېرې اجرأګانې شاملې وې چې په څو شیانو باندې د لوبې کولو ملي او بین الملي سیالۍ په کې ترسره شوې.

د ماشومانو لپاره د ګرځنده کوچني سرکس (MMCC) د وېب سایټ د معلوماتو په اساس، د ماشومانو لپاره ګرځنده کوچني سرکس (MMCC) او د هغه محلي شریک، د افغان ماشومانو پوهنیز سرکس (AECC)، له ۲۰۰۲ کال راهیسې د افغانستان په ۲۵ ولایتونو کې له ۲.۷ میلیونو څخه ډېرو ماشومانو ته ورکشاپونه دایر او ترسره کړي دي.

د یاد وېب سایټ په وینا، «د ساعت تېرۍ او د مهمو پوهنیزو پیغامونو لکه روغتیا، له ځمکنیو ماینونو څخه خبرتیا، سولې او بېرته ښوونځي ته/ د پوهنې اهمیت، ترکیب، چې په سوچه محلي طریقو سره د مسلکي افغان هنرمندانو له خوا ترسره کیږي، دا ثابته کړې چې د کلتوري فعالیتونو لپاره حتی د هېواد په داسې برخو کې لاره هواره کړي چې هلته له لسیزو راهیسې موزیک، سندرې ویل او د هنري کارونو نور ډولونه یا منع کړای شوي یا هېر کړای شوي دي،»