https://afghanistan.asia-news.com/ps/articles/cnmi_st/features/2018/10/18/feature-03
ټاکني |

په عکسونو کې: امنیتي ځواکونه له مهمې رایه اچونې څخه مخکې په کندوز کې پوځي رسم ترسره کوي

د هدایت الله راپور

image

په دې عکس کې، چې د تلې په ۲۴مه اخیستل شوی، د افغان ملي اردو موټرونه لیدل کیږي. [هدایت الله]

image

د افغان ملي اردو منسوبین د تلې په ۲۴مه په کندوز ښار کې د پوځي مانورو لپاره تیاری کوي. [هدایت الله]

image

د ۲۰مې پامیر لوا د ۱ قطعې قوماندان، ډګروال عبدالجمیل مسافر، د تلې په ۲۴مه د انتخاباتو د ورځې لپاره په خپلو امنیتي پلانونو باندې بیاکتنه کوي. [هدایت الله]‌

image

افغان امنیتي ځواکونه د شنبې د ورځې /د تلې د ۲۸مې/ له پارلماني انتخاباتو څخه مخکې د تلې په ۲۴مه په کندوز ښار کې یو موټر تلاشي کوي. [هدایت الله]

image

افغان امنیتي ځواکونه د تلې په ۲۴مه په کندوز ښار کې د پوځي مانورو لپاره تیاری کوي. [هدایت الله]

image

افغان امنیتي ځواکونه د تلې په ۲۴مه د کندوز ښار له مرکز سره نژدې د ۲۰مې پامیر لوا په ودانۍ کې د یوه عکس لپاره ولاړ دي. [هدایت الله]

image

د افغان امنیتي ځواکونو موټرونه د تلې په ۲۴مه د ځواک د پوځي مانورو په یوه ننداره کې د کندوز ښار له څلورلارې څخه تېرېږي. [هدایت الله]

image

نژدې ۱۰۰ پوځي عرادو د تلې په ۲۴مه په کندوز ښار کې د ځواک د مانورو په یوه ننداره کې برخه واخیسته. [هدایت الله]

کندوز -- افغان امنیتي ځواکونه په کندوز ولایت کې یوه عامه پوځي ننداره وړاندې کوي څو خپل ځواک او د شنبې ورځې /د تلې ۲۸مې/ د پارلماني انتخاباتو د ګډوډولو لپاره د طالبانو د ډېرېدونکیو ګواښونو په وړاندې خپل چمتووالی وښیي.

د دغه اورپکي ګروپ هدف دا دی چې افغان عوام له دې څخه زړه توري کړي چې راوځي او په رایه اچونه کې برخه واخلي.

دغې پوځي نندارې، چې د سې شنبې په ورځ /د تلې ۲۴مه/ ترسره شوه، نژدې ۱۰ کیلومتره ساحه پوښلې وه، چې د کندوز هوایي ډګر سره نژدې د ۲۰مې پامیر لوا له ودانۍ څخه نیولې د کندوز ښار تر مرکز پورې رسېدله.

په ننداره کې د پېک آپ رنجرو، هاموي ګانو او نورو پوځي تجهیزاتو په شمول، نژدې ۱۰۰ پوځي عرادې، نندارې ته وړاندې شوې وې.‌

image

یو ځوان هلک، فریدالله، د تلې په ۲۴ مه د کندوز ښار له څلورلارې څخه تېرېدونکیو افغان امنیتي ځواکونو ته لاس خوځوي. هغوی د شنبې د ورځې /د تلې ۲۸ مې/ له پارلماني انتخاباتو څخه مخکې ننداره وړاندې کوي. [هدایت الله]

د دغې نندارې د ترسره کولو هدف دا وو چې د افغان ځواکونو قوت وښیي او د شنبې د ورځې له رایه اچونې څخه مخکې د انتخاباتو د ورځې د امنیت په هکله ډاډ ورکړي.

د ۲۰مې پامیر لوا قوماندان، برید جنرال غلام مرتضی سروري، د سې شنبې په ورځ وویل چې په دغه ولایت کې د رایه اچونې په ۹۸ محلونو کې خواوشا ۷۰۰ د افغان ملي اردو او کمانډو ځواکونو سرتېري ځای پرځای شوي چې د انتخاباتي پروسې امنیت ډاډمن کړي.

آیا دا لیکنه ستاسو خوښه شوه؟
3
0 تبصره
د تبصرو تګلاره