افغان امنیتي ځواکونو په ګردېز کې د احتمالي لارۍ بمي برید مخه ونیوله

سلام ټایمز

پکتیا -- د ولایت د رسنیو دفتر د چارشنبې په ورځ /د زمري ۲۴ مه/ په یوه اعلامیه کې وویل، چې افغان امنیتي ځواکونو په پکتیا ولایت کې د یوه احتمالي بمي برید پلان شنډ کړ.

په اعلامیه کې راغلي، چې امنیتي منسوبینو د استخباراتي معلوماتو له ترلاسه کولو څخه وروسته په ګردېز کې داسې یوه لارۍ وموندله چې په چاودېدونکیو موادو بار وه.

اعلامیه وایي، چې اورپکو پلان درلود چې د ولایت په مرکز کې یو مرګونی برید ترسره کړي.‌

اعلامیه زیاتوي، چې د افغان ملي اردو د انجنیرانو یوه ټیم یاد چاودېدونکي مواد شنډ کړل.‌

آیا دا لیکنه ستاسو خوښه شوه؟

0 تبصره

د تبصرو تګلاره * ضروري برخې ښيي 1500 / 1500