په هرات کې د طالبانو برید ۵ کسان ووژل

سلام ټایمز او ای اېف پي

هرات -- چارواکو وویل، چې وسله والو سړیو د شنبې په ورځ /د مرغومي ۲۲مه/ په هرات ولایت کې د پولیسو په یوه ماموریت برید وکړ، چې لږ تر لږه ۵ افغانان یې ووژل او دوه نور یې ټپیان کړل.

د طالبانو یوه ویاند، قاري یوسف احمدي، د یکشنبې په ورځ /د مرغومي ۲۳مه/ په یوه ټویټ کې د پېښې مسؤلیت پر غاړه واخیست.‌

د والي ویاند جېلاني فرهاد ای اېف پي ته وویل، په برید کې، چې له دوه ساعتونو څخه د لږ وخت لپاره روان وو، د یوه ماشوم په شمول دوه پولیس افسران او درې ملکي کسان مړه شول.

دوه نور افسران ټپیان شول. دواړه بریدګر ووژل شول.‌

دغه وژنې په داسې حال کې کېږي چې د متحده ایالاتو د سولې استازی زلمی خلیلزاد په افغانستان کې د جنګ د پای ته رسولو لپاره له سیمې څخه لیدنه کوي.

آیا دا لیکنه ستاسو خوښه شوه؟

0 تبصره
* ضروري برخې ښيي د تبصرو تګلاره 1500 توري پاتې دي (تر 1500 پورې)