لغمان -- د افغان ملي اردو ۲۰۱ سېلاب قول اردو د پنجشنبې په ورځ /د غبرګولي ۲ مه/ په یوه اعلامیه کې وویل چې افغان کمانډو سرتېرو چې ایتلافي ځواکونو یې ملاتړ کاوه، په کونړ ولایت کې د عملیاتو په ترڅ کې د داعش لږ تر لږه ۵ غړي ووژل.
په اعلامیه کې راغلي چې دغه عملیات د چارشنبې په ورځ /د غبرګولي ۱/ ماښام د نورګل ولسوالۍ په ټیټک سیمه کې ترسره شول.
افغان ځانګړیو پولیسو د سې شنبې په ورځ /د غوایي ۳۱مه/ د عین ولسوالۍ په چمبېل کلي کې د داعش ۷ غړي ووژل.