![یوه افغانه افسره د لیندۍ په ۲۸مه د هندوستان په چینای کې د یوه تمریناتي پروګرام په ترڅ کې نښه ولي. [ارون سانکر/ای اېف پي]](/cnmi_st/images/2018/12/31/15882-000_1bp4k1-739_416.webp)
![ښځینه افغان پوځي افسرانې د لیندۍ په ۲۸مه د هندوستان په چینای کې د افسرانو د روزنې اکاډمۍ کې مارش کوي. [ارون سانکر/ای اېف پي]](/cnmi_st/images/2018/12/31/15883-000_1bp4jw-739_416.webp)
![ښځینه افغان پوځي افسرانې د لیندۍ په ۲۸مه د هندوستان په چینای سیمه کې د افسرانو د روزنې اکاډمۍ کې د ډزو کولو د تمریناتو تر منځ دمه کوي. [ارون سانکر/ای اېف پي]](/cnmi_st/images/2018/12/31/15879-000_1bp4kk-739_416.webp)
![د لیندۍ په ۲۸مه، د هندوستان په چینای کې د یوه تمریناتي پروګرام په ترڅ کې د یوې افغان ښځینه پوځي افسرې په یونیفارم د کښل شوي پوځي نښان عکس اخیستل شوی دی. [ارون سانکر/ای اېف پي]](/cnmi_st/images/2018/12/31/15881-000_1bp4k3-739_416.webp)
![یوه افغانه پوځي افسره د لیندۍ په ۲۸مه د هندوستان په چینای کې د یوه تمریناتي پروګرام په ترح کې نښه ولي. [ارون سانکر/ای اېف پي]](/cnmi_st/images/2018/12/31/15884-000_1bp4wf-739_416.webp)
![ښځینه افغان پوځي افسرانې د لیندۍ په ۲۸مه د هندوستان په چینای کې د ډزو په تمرین کې برخه اخلي. [ارون سانکر/ای اېف پي]](/cnmi_st/images/2018/12/31/15885-000_1bp4kf-739_416.webp)
![یوه افغانه پوځي افسره د لیندۍ په ۲۸مه د هندوستان په چینای کې د یوه تمریناتي پروګرام په ترڅ کې نښه ولي. [ارون سانکر/ای اېف پي]](/cnmi_st/images/2018/12/31/15886-000_1bp4kc-739_416.webp)
![یوه افغانه پوځي افسره د لیندۍ په ۲۸مه د هندوستان په چینای کې د یوه تمریناتي پروګرام په ترڅ کې نښه ولي. [ارون سانکر/ای اېف پي]](/cnmi_st/images/2018/12/31/15890-000_1bp4wi-739_416.webp)
چینای، هندوستان -- د افغان ملي اردو ۱۹ ښځینه افسرانو ته د هندوستان په چینای کې د افسرانو د روزنې اکاډمۍ کې ځانګړې محاربوي روزنه ورکړل شوه.
په دغه یو میاشتني ټریننګ کې، چې د مرغومي په ۵ مه پای ته ورسېد، فزیکي، وسله وال، تکتیکي او د رهبرۍ مهارتونه او د کمپیوټر او انګلېسي ژبې کورسونه شامل ول.
د افغان ملي اردو بریدمنې مونیکا عالمیار د دغه ټیم مشري کوله. هغې پنځه کاله خدمت کړی او تر اوسه پورې یې د افغان ملي اردو لږ تر لږه ۴۰۰ ښځینه افسرانې روزلې دي.
د افغانستان د دفاع وزارت هڅه کوي چې نورې ښځې استخدام کړي څو د افغان ملي اردو په شمول په افغان ملي دفاعي او امنیتي ځواکونو کې خدمت وکړي.
![د افغان ملي اردو ښځینه افسرانې د لیندۍ په ۲۸مه د هندوستان په چینای کې د یوه تمریناتي پروګرام په ترڅ کې په جنګي صف کې ولاړې دي. [ارون سانکر/ای اېف پي]](/cnmi_st/images/2018/12/31/15880-000_1bp4k4-739_416.webp)
د افغان ملي اردو ښځینه افسرانې د لیندۍ په ۲۸مه د هندوستان په چینای کې د یوه تمریناتي پروګرام په ترڅ کې په جنګي صف کې ولاړې دي. [ارون سانکر/ای اېف پي]
د ۱۳۹۶ د وري په میاشت کې د دفاع وزارت د هغه وخت ویاند جنرال دولت وزیري سلام ټایمز ته وویل، «د دفاع وزارت د ښځینه کارمندانو لپاره د تنخا یو ځانګړی معیار او تشویقات په پام کې نیولي څو ښځې تشویق کړي چې د افغان ملي اردو له لیکو سره یوځای شي،»
افغانستان ویلي وو چې غواړي د وسله والو ځواکونو ۱۰٪ یې ښځې اوسي، خو دا وخت د پوځي ځواک یوازې ۳٪ ښځې دي.
د تېرۍ لیندۍ په میاشت کې، د ښځو د برخه اخیستنې د ډېرولو د هڅو د برخې په توګه،د افغان ښځینه افسرانو لومړۍ ۲۰ کسیزه ډله په چینای کې د افسرانو د روزنې په اکاډمۍ کې، چې له کلونو راهیسې د افغان اردو نازینه غړي تربیه کوي، وروزل شوه.
