په جوزجان کې د داعش په ماینونو د خلکو مړینې د ترهګرې ډلې د شتون په هکله اندېښنه را پارولې ده

| 01-23-2024

افغانستان په شلمه پیړۍ کې له یو خورا تریخ تاریخ سره مخ شوی دی. په دې هېواد کې د سلطنت ړنګیدل، د کمونستانو واک ته رسېدل، د شوروي اتحاد لخوا د سور پوځ نیول، د اسلامي مجاهدینو کورنۍ جګړه چې د ګاونډیو هېوادونو او د متحده ایالاتو له خوا یې د کمونستي حکومت پر ضد ملاتړ کیده، د مجاهدینو د حکومت جوړېدل او بیا د مجاهدینو تر منځ خپل منځي کورنۍ جګړه چې د دوی د کمزوري کېدو سبب شوه او د طالبانو د رامنځته کيدو لپاره یې لاره هواره کړه. دا افراطي سلفي اسلامپاله طالبان چې د پاکستان، سعودي عربستان او متحده عرب اماراتو ملاتړ يې درلود، د القاعدې ډله چې د طالبانو تر سیوري لاندې یې پناه ترلاسه کړه، د سپتمبر د ۱۱ مې ترهګریزې پېښې د رامنځته کېدو لامل شوه. او د دې پېښې په پایله کې د امریکا او نورو لوېدیځو هېوادونو د طالبانو د ماتولو لپاره پر افغانستان بريد او د حامد کرزي تر مشرۍ لاندې د افغانستان د نوي حکومت جوړول یوازې د دې هېواد د تاریخ یوه برخه ده چې د جګړې او تباهۍ اور پکې تل بل پاتې شوی دی. د افغانستان د نوي حکومت له جوړېدو وروسته، د بهرنیو هېوادونو، په ځانګړي ډول د پاکستان، مداخلې په دې هېواد کې بله پایله نه درلوده پرته له دې چې طالبان بیا واک ترلاسه کړي، او د واک ترلاسه کول یې افغان حکومت او بهرنیو ځواکونو، په ځانګړي ډول متحده ایالاتو، دې ته اړ کړل چې د طالبانو له معتدلې برخې سره خبرې وکړي. د طالبانو سره په حکومت کې د شریکولو له لارې، دوی په افغانستان کې د امنیت او سولې د رامنځته کولو لپاره يو بنسټ جوړولی شي، چې يوه داسې مسله ده چې د افغانستان په چارو کې ښکیلو ځواکونو ترمنځ د خبرو اترو لامل شوې. تر اوسه پورې دې خبرو اترو کومې پایلې نه دي ورکړي، او د دې څیړنې موخه دا ده چې د دې خبرو اترو او له دې

| 12-07-2023

زه فکر کوم چې داعش یواځې یو نوم دی. په حقیقت کې دا پروژې د سیمې او نړۍ د استخباراتي شبکو لخوا د اسلام د بدنامولو لپاره پلان او عملي کیږي. کنه هغه څه چې داعش او نورې افراطي ډلې یې ترسره کوي، په اسلام کې نشته. د ماینونو په اړه، کیدی شي چې موجوده ماینونه د شوروي اتحاد د اشغال څخه پاتې شوي وي. دغه راز د جمهوريت په دوره کې د دولت يو شمېر مخالفينو په يو شمېر سيمو کې ماينونه خښ کړي وه، چې ښايي اوس هم هلته پاتې وي. په هر صورت، لومړی باید هیڅ ډله په داسې تاوتریخوالي لاس پورې نه کړي چې پایله یې د خلکو د وژلو او په ځانګړې توګه د خلکو په ځمکو کې د ماینونو ځای پرځای کیدلو سبب شي. دویم، نړیوال سازمانونه، په ځانګړې توګه ملګري ملتونه باید د هغو شخړو او ستونزو مخه ونیسي چې د وسله والو جګړو لامل ګرځي. همدارنګه د افغانستان اوسنی حکومت باید د هیواد ټولو وګړو ته حکومت کې ځای ورکړي. خو پخوانیو جنګسالارانو لکه مارشال دوستم، عطا محمد نور، ګل اغا شیرزی، یونس قانوني، سیاف، محقق، خلیلي او داسې نورو ته باید اجازه ورنکړل شي، ځکه دوی په بشر ضد جنایتونو کې لاس درلود او بشري حقونه یې تر پښو لاندې کړي. او تر ټولو بده دا چې د جمهوریت په شل کلنه دوره کې یې په ملیاردونو ډالره نړیوالې مرستې غلا کړې چې په حقیقت کې د افغانستان د خلکو لپاره استول شوې وې. د جمهوریت په دوره کې د پیسو اختلاس او غلا دې حد ته رسېدلې وه چې له یوې خوا، امریکایانو او اروپایانو د خپلو مالیاتو پیسې افغانستان ته د مرستې لپاره رالېږلې خو له بلې خوا، د عبدالله عبدالله په څېر جنایتکارانو د ځان لپاره یوه جوړه ټوکر په شل زره ډالرو اخیستی وه. افسوس په داسې جنايتکارو مشرانو چې ټول افغانستان يې وشرماوه!

| 10-08-2023

داعش داسې یو نوم دی چې هر افغان ترې کرکه لري، خو الحمد لله چې اسلامي امارت د افغانستان په ګڼو ولایتونو کې د داعش ترهګرې ډلې نوم او نښه ورک کړل. ماین یو پټ دښمن دی. په ډېرو ولایتونو کې لا هم ماینونه شته. په څو کلونو کې چې په افغانستان کې جګړه روانه وه، هرې جنګي ډلې د خپل ځان د ساتنې لپاره په ځمکه کې دومره ماینونه ښخ کړل، لکه یو بزګر چې په خپله ځمکه کې تخم کري. په افغانستان کې له ډېرې مودې راهیسې د ماین پاکۍ موسسو له خوا د ماین پاکولو کار روان دی، خو تر اوسه د ماینونو د پاکولو موسسې په دې نه دي بریالۍ شوي چې له افغانستان څخه ماینونه پاک کړي، ځکه چې له یوې خوا د ماین پاکۍ موسسې بوختې وي، ماینونه وباسي، او بلې خوا ته د افغانستان نور دښمنان په ځمکه کې ماینونه ښخوي. کله چې په ټول افغانستان کې جګړه پای ته ورسیږي، ماینونه به له افغانستان څخه واېستل شي. ډېری هغه کسان چې قومي او نژادي دښمنۍ لري هم په خپلو دښمنیو کې له دا ډول ماینونو څخه کار اخلي. په اکثرو ولایتونو کې هغه خلک چې د زراعتي ځمکو پر سر شخړې کوي، هغوی هم یو بل ته ماینونه ښخوي. د افغانستان خلک دې فکر وکړي چې د پیسو په خاطر په خپلو ځمکو کې ماینونه ښخ نه کړي. راځئ چې د دې وطن د ابادولو لپاره لاس په کار شو. د افغانستان په ورانولو کې خیر نشته.

| 10-06-2023

دا یوه دردونکې پیښه ده. د ماشومانو غم انسان تباه کوي. کاش چې په ترهګرو ډلو کې داسې احساس موجود وای چې داسې یې نه وای کړی. هر څوک چې ماینونه ږدي، هغوی په حقیقت کې له انسانیت سره دښمني کوي. افغانستان په تېرو څلور نیمو لسیزو کې له دې بدبختۍ سره مخامخ شوی او دا لړۍ دوام لري. هره ورځ کله په یوه نامه او کله په بله نامه وژل کیږو او نړۍ یوازې ننداره کوي. دا بدبختي یوازې زموږ د تعلیم د نشتوالي له امله ده. که زموږ خلک تعلیم ترلاسه کړي، دا بدبختي به ورځ په ورځ له منځه لاړه شي او موږ به له دې بدبختۍ څخه خلاص شو.

| 10-05-2023

زما په اند د داعش دغه غړي باید له منځه وې نه وړل شي. دا غوره ده چې دوی په یوه ټاکلي ځای کې وساتل شي او د داسې چا پر ضد وکارول شي لکه چین چې په هغه هېواد کې په مسلمانان باندې ظلم کیږي او هېڅ ډول بشري اصول او اخلاق په کې په پام کې نه نیول کیږي. همدا راز ډېر امکان لري چې ازبکستان د قوش تېپې د کانال له امله پر افغانستان برید وکړي چې په دې صورت کې ښايي روسان هم د ازبکانو ملاتړ وکړي. په داسې یوه حالت کې دا غوره ده چې له دغو ازبک داعشي جنګیالیو څخه د ازبکستان او روسیې پر ضد کار واخیستل شي. سربیره پردې، ایران د فاطمیون لوا له لسګونو زرو غړو سره ساتلې ده. که ایران د افغانستان په وړاندې له خپل ناوړه فکر څخه کار واخلي، دا ډول وسله وال د ایران پر ضد کارول کیدی شي. په پای کې، پاکستان چې د ترهګرو مور ده، تل د دې فرصت په تمه وي چې له هرې وسیلې او امکاناتو په استفادې په افغانستان کې تخریبي فعالیتونه ترسره کړي، چې په هغه صورت کې کېدی شي چې د داعش دا بندي غړي د ناولي پاکستان پر ضد جګړه کې وکارول شي. زه له افغان حکومت یا په بل عبارت د طالبانو حکومت څخه غوښتنه کوم چې لنډ فکر دې نه کوي، او ژر تر ژره دې له غربي نړۍ په ځانګړې توګه له امریکا او حتی له اسراییلو سره خپلې اړیکې سمې کړي او دوه اړخیز تړونونه دې ورسره لاسلیک کړي، او په دې توګه په کار دی چې هغوی دا تضمین ترلاسه کړي چې د چین، ایران، پاکستان او روسیې لخوا د برید په صورت کې د لویدیځ مالي او تسلیحاتي ملاتړ له ځان سره ولري.

| 10-04-2023

داعش په افغانستان کې نشته. که وي هم ډېر کم چې ښايي د خطر پېښولو توان ونه لري. ترهګرې ډلې معمولا حمایت ته ضرورت لري او اوس مهال په افغانستان کې هېڅ یوه تروریستي ډله ملاتړي نه لري نو داعش به خپل فعالیتونه په چیشي وکړي. امریکا هم څو ورځې مخکې وویل چې په افغانستان کې د هېڅ وسله والې ډلې د تمویل نیت نه لري. او کله چې امریکا دا خبره کوي، فکر نه کوم چې د افغانستان حتی په یوه غره کې دې هم داعش او بله ډله فعالیت وکړای شي. هو یوه خبره ده، په کومه ورځ چې بهرنیانو د تروریستي ډلو ملاتړ ته کار ووایه په هماغه ورځ به افغانستان یو ځل بیا د جنګ په میدان بدل او خلکو لپاره جهنم وګرځي. فعلا د الله په رحم اافغانستان امن دی، خو دا چې خلک له اقتصادي اړخه مشکلاتو سره مخامخ دي همدې خفه کړي دي. هیله مو ده اقتصادي ستونزو ته هم رسېدنه وشي.

| 11-20-2023

زه ستاسو له نظر سره موافق نه یم. داعش په افغانستان کې شته او فعال دی، خو د اسلامي امارت له خوا یې فعالیت کمزوری شوی او په ډېرو ځایونو کې سخت ځپل شوی دی. هغوی په ختیځ، بدخشان او یو شمېر نورو ولایتونو کې شته، خو کمزوري دي او د جګړې توان نه لري. داعش یوه بې رحمه ډله ده چې په هیچا رحم نه کوي. خدای (ج) دې زموږ ملت له دغې ظالمې ډلې څخه وژغوري.

ځواب ورکړئ