کابل -- د خامه پرېس د راپور په اساس، د عدلیې وزیر عبدالبصیر انور د پنجشنبې په ورځ / د جولای ۲۰ مه/ په کابل کې په یوه خبري کانفرانس کې وویل، چې افغانستان په خپل تعدیل شوي جزایي قانون کې «بچه بازي» د یوې جزا وړ سرغړونې په توګه شامله کړه.
انور وویل، بچه بازۍ ته -- چې په افغانستان کې یوه پراخه ستونزه ده -- د جرم حیثیت ورکول داسې یوه لویه ژمنه وه چې کابل د افغانستان په هکله د لندن د ۲۰۱۴ د کانفرانس په ترڅ کې کړې وه.
د افغانستان په اساسي قانون کې سدومي (بچه بازي) د سزا وړ جرم بلل شوی، خو پوښتنه دا ده چې مجرمین به څوک ونیسي؟ ډیری پولیس پخپله د جنسي تیري په جرم کې ښکیل دي. د جمهوریت په دوره کې د کابل ښار او د افغانستان په شمال او لویدیځو ولایتونو کې په ډیرو هوټلونو کې د مقاومت د جبهې جهادي قوماندانانو د ودونو په محفلونو کې د خلکو له وړاندې بچه بازي کوله چې امنیت یې هم د همدغو پولیسو لخوا نیول کیده. د جمهوري دولت ټول لوړ پوړي چارواکي به ناست وو، مګر د حکومت لخوا په دې ډول حلقو باندې هیڅ محدودیت نه و. دا غیر قانوني عمل ډیری د موټرو په ورکشاپونو کې ترسره کیږي. بې وزله خلک خپل زامن دغو ورکشاپونو ته د یوه کسب زده کولو لپاره استوي، مګر دوی نه پوهیږي چې مستریان خپل شاګردان ځوروي. ډیری ټکسي چلوونکي هم په جنسي تیري کې ښکیل دي. زه یو دوکاندار یم، زما د هټۍ تر څنګ د موټرو ډیر ورکشاپونه او یو هوټل شته، چې د بچه بازۍ په مرکز بدل شوی. که حکومت په دې برخه کې جدي ګامونه پورته نه کړي او د دې جرم لپاره سخته سزا ونه ټاکي، نو زموږ ۸۰ سلنه تنکي ځوانان به په دې جرم کې ککړ شي. ستونزه چیرته ده؟ ډیری پولیس پخپله دا غیرقانوني عمل کوي. په افغانستان کې د مور او پلار لپاره د لور په پرتله د زوی ساتنه سخت کار دی. په افغانستان کې ډیری تنکي ځوانان بې روزګاره دي، بوخت نه دي، تعلیم نشته. هغه زده کوونکی چې ښوونځي ته ځي، څلور درسي ساعتونه په ښوونځي کې تېروي او پاتې وخت په کوڅه کې وي. هلته په هر ډول ناروا کړنو کې ککړ شي. که حکومت غواړي دا دود راکم کړي، باید د ښوونځیو ساعتونه زیات کړي.
ځواب ورکړئ1 تبصره