ننګرهار -- د ننګرهار ولایت د رسنیو دفتر په یوه خبرپاڼه کې وویل،چې په دغه ولایت کې د ولسي پاڅون ځواکونو د یکشنبې په ورځ /د چنګاښ ۳ مه/ د داعش د ترهګرې ډلې لږ تر لږه ۸ غړي ووژل.
د دوشنبې د ورځې /د چنګاښ د ۳ مې/ په اعلامیه کې راغلي، چې دا پېښه په نازیان ولسوالۍ کې وروسته له هغه وشوه چې د ځايي پاڅون غړو په مورچل سیمه کې د اورپکو په پټنځایونو باندې برید وکړ.
اعلامیه زیاتوي، چې محلي ځواکونو د نښتې په ترڅ کې د داعش ۳ غړي بندیان هم کړل.
د اعلامیې په اساس، د محلي پاڅون ۲ غړي هم ووژل شول.
