فراه -- د کورنیو چارو وزارت د چارشنبې په ورځ /د وري ۲۸مه/ په یوه اعلامیه کې وویل چې افغان ځواکونو په فراه ولایت کې د طالبانو یو قوماندان چې غوښتل یې وتښتي، ونیو.
په اعلامیه کې د نیونې د وخت په هکله له جزیاتو څخه پرته راغلي چې مشکوک کس چې نوم یې ملا عزیزالله یاد شوی او د ذکري په نامه هم یادېده، تېره اونۍ د هلمند ولایت په نادعلي ولسوالۍ کې د افغان ځواکونو له خوا ټپي شوی وو.
اعلامیه زیاتوي چې عزیزالله په هلمند، بادغیس، نیمروز او فراه ولایتونو کې د ترهګریزو بریدونو په پلانولو کې لاس درلود.