کوټ ولسوالي، ننګرهار ولایت -- خامه پرېس د سې شنبې په ورځ (د تلې ۳۰مه) د ولایتي ادارې له قوله راپور ورکړ چې د ننګرهار ولایت په کوټ ولسوالۍ کې د داعش یو جیګپوړی مشر افغان ځواکونو ته تسلیم شو.
ولایتي ادارې وویل چې فریدون چې د نعمان الباجوړي په نامه هم مشهور وو په ننګرهار کې د یادې ډلې د ښوونیزو پروګرامونو مسؤل وو.
هغوی زیاته کړه چې فریدون افغان ځواکونو ته یوه تمانچه او دوه لاسي بمونه وسپارل.