په عکسونو کې: افغانستان د کوروناوایرس پر ضد مجادلې ته تیاری کوي

| 03-25-2020

له ایران څخه د لسګونو زرو کډوالو راستنېدنه او همدارنګه د حکومت او موسساتو له خوا د پلان د نشتوالي له امله د عامه خبرتیا د سطحې ټیټوالی او بې پروایي دا احتمال رامنځته کوي چې په افغانستان کې به د ایران، ایټالیا او هسپانیا په نسبت لا لویه فاجعه رامنځته شي، او هغه خلک به چې له جګړې څخه ژوندي وتلي دي له منځه وېسي.‌ له دې امله، د هېواد ټول خلک باید ځانونه د کرونا ناروغۍ پر ضد سمبال کړي.‌ دا د یوه بشر مسؤلیت او دیني وجیبه ده چې د دغه پټ دښمن (کرونا وایرس) پر ضد مجادله وکړي. دا دښمن په هیچا باندې هم رحم نه کوي او د ځمکې، وخت، چاپېریال په شمول هر ژوندی شی ککړوي او ژوبلوي.

| 03-23-2020

اوسنی حالت دا ایجابوي چې پانګوونکي او سوداګر باید له حکومت او خلکو سره مالي او تخنیکي مرسته وکړي څو هغوی د خطرناک کورونا وایرس د خپراوي پر ضد مجادله وکړي او مهار یې کړي، او باید هڅې وشي چې د هېواد له داخل او خارج څخه تر ممکن حده ډېرې پیسې او اسانتیاوې ترلاسه شي. که اړتیا وي، خصوصي روغتیایي مرکزونه، ښوونځي، پوهنتونونه او حتی جوماتونه باید په وایرس د ککړ شویو خلکو د تداوۍ او مراقبت د مرکزونو په توګه وکارول شي.

| 03-23-2020

دا د دې وخت دی چې حکومت د ښارونو د قرنطین کولو په هکله پرېکړه وکړي، اضطراري حالت اعلان کړي، او تګ راتګ منع کړي. خلک باید په داسې بحراني حالت کې په خپلو کورونو کې پاتې شي او بهر او د ګڼه ګوڼې ځایونو ته له تللو څخه ځانونه کلک وساتي.

| 03-22-2020

دافغانستان حکومت او خلکو کورونا وایرس ته په جدي نظر نه دي کتلي ځکه چې په دې هېواد کې د ناروغۍ یوازې د یو څو مثبتو پېښو په هکله راپور ورکړل شوی دی، خو په دې هېواد کې د پېښو د شمېر کموالی دا معنی نه لري چې په وایرس ککړ شوي خلک په کې نشته یا دا چې دغه وایرس خپور شوی نه دی یا دا چې په صحیح توګه مدیریت کیږي یا کنټرولیږي، بلکې له دې امله چې اسانتیاوې او مجهز روغتونونه نشته، پروګرامونه شفاف نه دي، او په هېواد کې حکومتي شبکې متحدې او همغږې نه دي، تشخیصي بستې او لابراتوارونه نشته، او نه هم کار پوه او کافي اندازه ټیمونه موجود دي.

| 03-22-2020

لطفاً افغانستان کښې کرونا ویروس جدی ونیسی خدای مکړه دی نه امکاناتو درلودلو له کبله ټول له بینه لاړ نشو.

| 03-22-2020

د وایرس د لا نورې خپرېدا د مخنیوي غوره لاره یوازې په کور کې دننه قرنطین کېدل او د صحي سپارښتنو مراعتول دي (چې لاسونه ډېر ځلې په صابون ووینځل شي...). خدایه، د افغانستان په مظلومو، بې چاره او غریبو خلکو باندې رحم وکړې او له دې افت او نورو ناروغیو او مصیبتونو څخه یې په امن کړې. امین

| 01-05-2021

زه موافق یم

ځواب ورکړئ

| 03-22-2020

که څه هم چې په ځینې هېوادونو کې د کوروناوایرس خپراوی تازه پیل شوی دی، خو د خپرېدا جریان یې د هغه څه په نسبت چې یو څوک فکر کوي ډېر چټک دی. د دغه وایرس پر ضد په نړۍ واله کچه د مجادلې لپاره له اخیستل شویو ګامونو سره سره، افغانستان چې د سیاسي بحران په منځ کې راګېر دی، تر اوسه پورې کوم جدي ګامونه نه دي اخیستي. که حکومت پام ونه کړي، مشران او خلک خپله خپله لاره ونیسي، مونږ به ډېر ژر په خپل هېواد کې یوه غټه فاجعه وګورو چې په زرګونو خلک به ووژني.‌

| 03-22-2020

د نوي کورونا وایرس یا کوویډ – ۱۹ د چټک خپراوي له امله، په نړۍ کې ډېرو هېوادونو خپل ځمکني او هوایي سرحدونه یو له بل سره بند کړي، خو له ایران سره د افغانستان سرحدونه اوس هم پرانستي دي، په داسې حال کې چې په دې هېواد کې په یاده ناروغۍ د ککړو خلکو شمېر ډېر دی. مونږ له افغان حکومت څخه په کلکه غوښتنه کوو چې ژر تر ژره له ایران سره خپل سرحدونه بند کړي.

| 03-21-2020

په داسې حال کې چې ویل کیږي په افغانستان کې روغتیایي اسانتیاوې صفر دي، له بده مرغه چې د خلکو په منځ کې لا تراوسه د کوروناوایرس د خپراوي خطرونه جدي نه دي نیول شوي.‌

| 03-21-2020

د افغانستان حکومت او خلکو کوروناوایرس ته په جدي نظر نه دي کتلي ځکه چې په دې هېواد کې د ناروغۍ یوازې د یو څو مثبتو پېښو په هکله راپور ورکړل شوی دی، خو په دې هېواد کې د پېښو د شمېر کموالی دا معنی نه لري چې په وایرس ککړ شوي خلک په کې نشته یا دا چې دغه وایرس خپور شوی نه دی یا دا چې په صحیح توګه مدیریت کیږي یا کنټرولیږي، بلکې له دې امله چې اسانتیاوې او مجهز روغتونونه نشته، پروګرامونه شفاف نه دي، او په هېواد کې حکومتي شبکې متحدې او همغږې نه دي، تشخیصي بستې او لابراتوارونه نشته، او نه هم کار پوه او کافي اندازه ټیمونه موجود دي.

| 03-21-2020

دا د خوښۍ خبره ده چې خیریه ټولنې له حکومت سره اوږه په اوږه کار کوي. په کار دی چې ټول مسؤلیتونه یوازې حکومتي ادارو ته پرې نښودل شي او ولسي مدني ټولنې هم په داسې کارونو کې برخه واخلي او خلکو ته عامه پوهنه ورکړي. ولس هم باید د معلوماتو ترلاسه کولو ته لېوالتیا وښیي ځکه دا د ټولو مسؤلیت دی چې نه یوازې پخپله او فامیلونه یې روغ پاتې شي بلکې نورو خلکو ته هم ضرر ونه رسوي. یو پیغام مې د مسجدونو امامانو او خطیبانو ته دی چې باید د خرو په څېر ځېل ونه کړي او په جوماتونو کې د جماعت داسې لمونځونو ته خلک ور ونه بولي چې له ۱۰ څخه ډېر کسان په کې ودریږي. اسلام او مسلمان باید د یوه مهذب او پرمختللي بشر په توګه ژوند وکړي، نه د یوه وروسته پاتې فکر سره.‌