کابل -- د ملي امنیت ریاست د چارشنبې په ورځ /د جنورۍ ۳ مه/ په خپله فیسبوک پاڼه په یوه خپره کړې اعلامیه کې ویلي چې هغوی په کابل کې د داعش له خوا د پلان شویو یو لړ احتمالي بریدونو مخه ونیوله.
په اعلامیه کې راغلي، چې استخباراتي فعالانو د دغو پلانونو په تړاو د لږ تر لږه ۱۳ کسانو یو ګروپ، چې ۷ تنه خارجیان هم په کې شامل دي، ونیو.
د ملي امنیت د ریاست خبرپاڼه زیاتوي، چې دغه ګروپ د ځانمرګو بمي بریدګرو په انتقال او په پلازمېنه کې ترهګرو ته د اسانتیاوو په برابرولو کې لاس درلود.
چارواکو د بهرنیانو په هکله نور جزیات نه دي ورکړي.
دغه نیونې وروسته له هغه کیږي چېداعش په کابل کې تېره اونۍ د شیعه ګانو په یوه مرکز د یوه ځانمرګي برید،چې ۴۰ کسان په کې ووژل شول، مسؤلیت پرغاړه واخیست.
