قندهار -- به گزارش خبرگزاری پژواک افغان، یک ریش سپید قبیله ای و یک معین قوماندان امنیه ولایت خوست طی حوادث مجزا به ترتیب در ولایت های قندهار و جوزجان به قتل رسیدند.
صمیم خپلواک، سخنگوی والی قندهار، گفت که یک ریش سپید قبیله از ولایت اروزگان به نام حاجی زین الله توسط مهاجمان ناشناس در ولسوالی اسپن بولداک ولایت قندهار دوشنبه (24 دلو) به ضرب گلوله کشته شد.
خپلواک گفت که همچنان معین قوماندان امنیه خوست یکشنبه (23 دلو) در منطقه حضرت جی بابا شهر قندهار از اثر تیراندازی به قتل رسید. وی افزود که مهاجمان موفق به فرار شدند.
