غني طالبان وهڅول چې زړور دې شي او اوربند دې اعلان کړي

| 10-07-2020

د قطر په پلازمېنه دوحه کې د شخړې او بشري څېړنو مرکز کې د اشرف غني وینا عالي وه. هغه په خپلې عالي وینا سره د دیموکراتیک نظام دفاع وکړه او خلکو ته یې د دغه نظام ګټې روښانه کړې. هغه وښودله چې که سوله وشي، افغانستان به ژر پرمختګ وکړي،‌ ځکه چې افغانستان یو شتمن هېواد دی او ټول کانونه یې تر ځمکې لاندې پټ پاتې دي. همدارنګه، هغه وویل چې د افغانستان ۷۵٪ خلک ځوانان دي چې د هېواد په اقتصادي ښېرازۍ کې به مرسته وکړي. له دې امله، له قطر څخه د ډاکتر غني کتنه له یوې تلپاتې سولې څخه، او همدارنګه په دې هېواد کې د یوه دیموکراتیک نظام د دفاع په لور یو مثبت ګام دی، ځکه چې قطر یوازنی داسې هېواد دی چې د طالبانو د امارتي سیستم ملاتړ کوي.‌

| 10-07-2020

د لومړۍ برخې په دوام د طالبانو د واکمنۍ پر وخت، په دې هېواد کې یو نسبي امن او امنیت موجود وو. په دې هېواد کې یو اسلامي نظام موجود وو، خو دغه نظام د ځینې افغان سیاستوالو په خوښه برابر نه وو. هغوی په دې هېواد کې یو سیکولر نظام غوښته، هغوی لاړل او له امریکا څخه یې وغوښتل چې افغانستان ته راشي.‌ هغوی افغانستان ته راغلل، د طالبانو حکومت یې نسکور کړ او متحده ایالاتو حامد کرزی افغانستان ته د ټانک دپاسه راوست او هغه یې ولسمشر وټاکه. څو کاله وروسته، طالبانو خپل ځانونه بیا سره منظم کړل او د اشغال پر ضد یې جهاد پیل کړ. د هغوی جهاد هم د امریکایي اشغالګرو ځواکونو پر ضد په حقه وو، خو د طالبانو په جهاد کې یو عیب موجود وو،‌ چې طالبانو ملکي خلکو ته تلفات ور واړول، او دغه کار د یادې ډلې پر ضد د خلکو کرکه راوپاروله. که خبره رالنډه کړو، طالبانو د متحده ایالاتو پر ضد جنګ وګاټه او متحده ایالات مجبور شول چې له دې هېواد څخه وځي. اوس طالبان خپل ځانونه بریالي بولي او وایي چې هغوی اشغال پای ته رسولی دی.‌ اوس اشرف غني چې په انتخاباتو کې یې د تقلب او د امریکایانو د نفوذ له امله له یو میلیون څخه لږې رایې ګټلې دي، نشي کولی ووایي چې هغه د افغانستان د خلکو استازی دی او هغه د خلکو د رایو له لارې ولسمشر شوی دی او طالبان باید راشي اوهغه ته تسلیم شي.‌ که اشرف غني واقعاً سوله غواړي او واک ته تږی نه وي، هغه باید د افغانستان د سولې په خاطر له قدرت څخه تېر شي او د طالبانو منطقي غوښتنې، چې وایي هغوی یو اسلامي نظام غواړي، ومني. افغانستان یو اسلامي هېواد دی او اسلامي نظام د ټولو افغانانو هیله ده. مننه

| 10-07-2020

غني هم باید زړه وکړي او د سولې په خاطر له قدرت څخه تېر شي. که غني په واک کې وي او طالبان راشي او حکومت ته تسلیم شي، سوله به رانشي. طالبان ولې له تېرو شلو کالو راهیسې جنګ کوي؟‌ دوه عمده دلایل چې طالبانو جنګ کاوه دا وو چې بهرني ځواکونه باید له افغانستان څخه وځي او نظام باید تغیر شي. اوس بهرنیان ځي او له افغانستان څخه وځي. د طالبانو د جنګ دویم دلیل اوس هم پاتې دی، او هغه دا دی چې طالبان غواړي چې نظام بدل شي. بیا به هغوی دې ته چمتو شي چې سوله وکړي او اوربند اعلان کړي.‌ کله چې د افغانستان ولسمشر اشرف غني غواړي چې طالبان دې زړور شي او اوربند دې اعلان کړي، هغه هم باید ووایي چې که طالبان اوربند اعلانوي هغه چمتو دی چې د سولې، او د جنګ د پای ته رسولو لپاره استعفا وکړي. په دې توګه به په دې هېواد کې سوله راشي. په افغانستان کې د څلوېښتو کالو جنګ د قدرت لپاره او د افغان سیاستوالو له خوا د واک ترلاسه کولو لپاره وو. هیچا هم له افغانانو څخه نه دي پوښتلي چې هغوی څه ډول نظام غواړي.‌ ټول سیاسي مشران ځانونه د خپلو خلکو استازي بولي او وایي چې خلک داسې او داسې یو نظام غواړي.‌ څلوېښت کاله مخکې، د پرچم او خلق ډلو تر منځ اختلافات راپورته شول. هغوی په خلق ګوند باندې تور پورې کړ چې حکومت یې کمزوری دی او هغوی په نظام کې بدلون غواړي. نو هغوی له روسیې څخه وغوښتل چې خپل عسکر افغانستان ته راولي او نظام بدل کړي. روسیه افغانستان ته راغله، ببرک کارمل یې په ټانک باندې سپور راوست او د افغانستان ولسمشر یې وټاکه. د افغانستان د خلکو مقدس جهاد پيل شو، یو میلیون خلک شهیدان، دوه میلیونه معلول او څلور میلیونه نور مهاجر شول.‌ بالاخره مجاهدین بریالي شول او وروسته ورپسې طالبانو قدرت ترلاسه کړ.‌

| 10-07-2020

که خبره د دیموکراسۍ شي بیا هم حنفي فقه مخکې ده ځکه چې په افغانستان کې د حنفي فقې پلویان له ۸۰٪ څخه تر ۹۰٪ پورې دي او شیعه ګان ایله ۸ یا ۹٪ وي. بله دا چې په ایران کې سنیانو ته هېڅ نه ورکول کیږي. شیعه ګان دې شکر وباسي چې په افغانستان کې لږ تر لږه د دوی تر منځ د خپلو مسایلو د حلولو لپاره خو ورته د جعفري فقې د کارولو اجازه ورکول کیږي.