د داعش له خوا له عاشورا څخه مخکې د شیعه ګانو په نښه کولو سره، د کابل اوسېدونکیو د امنیت ټینګولو غوښتنه وکړه

| 08-15-2022

12. د دوحې د بین الافغاني مذاکراتو په ترڅ کې د سیاسي جوړجاړي له لارې سولې ته د رسېدو لپاره د طالبانو نه لېوالتیا، 13. د فاسدو رسنیو شتون چې په بهرنیو او غیر مسؤلو استخباراتو یې تکیه کوله. 14. د پاکستان ویجاړونکی رول. ډاکټر نوراحمد خالدي

| 08-15-2022

د افغانستان د اسلامي جمهوریت د سقوط دولس لاملونه: د نور احمد خالدي لیکنه د اسلامي جمهوري دولت نظام د لاندې عواملو په نتیجه کې په سیستماتیک ډول سقوط وکړ: １. د مافیايي ډلو او جهادي مشرانو له لاسپوڅي طبقې څخه د متحده ایالاتو دوامدار مالي او سیاسي ملاتړ او په حکومت کې د هغوی د مشرانو په شاملولو او د دې ډلو له خوا د واک د سیمه ایزو ټاپوګانو په رامینځته کولو او په هیواد کې د فساد په خپریدلو ټینګار، ２. د متحده ایالاتو او فاسدو جهادي مشرانو له خوا په سیستماتیک ډول د حکومت د مشروعیت له منځه وړل، ３. د اساسي قانون او نورو قوانینو پر ضد د فعالیتونو په پایله کې د حکومت او پوځ کمزوری کېدل او د عبدالله عبدالله په مشرۍ او مرکز کې د یوې فاسدې مافیايي ډلې له خوا د ولسواکو ټاکنو د پایلو ردول، ４. په تېرو څلوېښتو کلونو کې د شمال ټلوالې د شورای نظار د بدې او فاسدې ډلې د نژاد پالو سیاستونو له امله د هېواد د نژادي ډلو ترمنځ د تفرقې او اختلاف رامنځته کول، چې د هېواد د روڼ اندو په منځ کې یې ژور زخمونه جوړ کړل، ５. په دوحه کې د افغانستان د اسلامي جمهوریت د حکومت له ګډون پرته د امریکا او طالبانو ترمنځ د هوکړې لاسلیک، ６. د دې هوکړې په پایله کې د طالبانو په مشرۍ د یوه نوي اسلامي دولت د جوړولو لپاره د امریکایانو ژمنه، ７. د متحده ایالاتو له خوا د اسلامي جمهوریت د حکومت د دوام مشروعیت او د هغې د مالي مرستو کمول، ８. د دوحې د تړون له لاسلیک وروسته په تیر کال کې له افغان پوځ سره د متحده ایالاتو د هوایي ملاتړ پای ته رسیدل، ９. د ناټو د ۱۵ زره قراردادیانو په وتلو سره چې د افغان پوځ په ځانګړې توګه د هوایي ځواک د لوژیستیکي ملاتړ مسولیت په غاړه درلود، د افغان پوځ په جنګي وړتیا کې د پام وړ کمښت، １０. د افرادو، د اردو

| 08-10-2022

لسېزې کېږي چې افغانستان د ګاونډیو هېوادونو د استخباراتو په مرکز بدل شوی. د ایران خامني به خپلو خلکو ته ویل، “که غواړئ چې ایران روغ او له جګړو په امان کې وساتئ، جګړه له ایران نه وباسئ”. په افغانستان کې نن سبا هماغه د خامني د وینا اړوند فارموله روانه ده ـ د پاکستان هم همدا پالیسي ده. دلته د روسانو، هندوانو، ایرانیانو او پاکستانیانو د ګټود لاسته راوړلو جنګونه دي چې د خپلو افغان مزدورانو له خوا یې پر مخ بېول کېږي. د دغه ډول نیابتي جګړو د مخنیوي لپاره په کار ده چې افغانان په خپل منځ کې سره یو شي. زه فکر نه کوم چې دا دې یا د داعش حملې وي او د بلې کومې ډلې، دا د ګاونډیانو د ګټو د خوندیتوب جنګونه دي. په کار ده چې نوي مسولین له خپلو بې ځایه لاپو تېر شي، افغانان سره راټول او یو قوي حکومت جوړ کړي. که نه، فکر نه کوم چې افغانستان او افغانان دې د ارام ساه واخلي.

| 08-09-2022

زه هیله لرم چې ملګري ملتونه او نړیوال سازمانونه به د بشریت ضد جنایتونه چې په افغانستان کې د شمالي ټلوالې د مقاومت ډلې او داعش له خوا ترسره کیږي، وڅېړي. پنجشېریان ډېر بې رحمه او بې ایمانه خلک دي. له یوې خوا د طالبانو پر ضد د جګړې او مقاومت شعارونه ورکوي او له بلې خوا د طالبانو له خوا د وژلو نارې وهي. دوی کولی شي د خپلو شخصي موخو د ترلاسه کولو لپاره د ذلت اوج ته ورسیږي. امریکا او نړیواله ټولنه باید دا ډله د داعش په شان یوه تروریستي ډله اعلان کړي، د داعش د جنګیالیو او د شمالي ټلوالې د مقاومت د ډلې تر منځ د پیوستون اوازې شته چې مشري یې د پخواني جنګسالار احمدشاه مسعود زوی احمد مسعود کوي. .

| 08-09-2022

تر څو چې پاکستان د نړۍ له نقشې نه حذف شوی نه وي او تر څو چې په ایران کې اخوندي حکومت په واک کې وي، په افغانستان کې سوله او ثبات یوازې یو خوب دی. دا دواړه په بې شرمۍ سره ځانونه د سولې غوښتونکي هیوادونه بولي خو په حقیقت کې شپه او ورځ د افغانانو پر ضد کار کوي. افغانان د اور او اوبو تر منځ ایسار دي. که دوی په افغانستان کې پاتې شي، هره ورځ به د طالبانو له ظلم سره مخامخ وي، او یا به د داعش له خوا وژل کېږي. که دوی بهر ته لاړ شي، د افغانستان د ظالمو او متعصبو ګاونډیانو له خوا شکنجه کیږي او حتی وژل کیږي. څو ورځې وړاندې مې په ټولنیزو رسنیو کې داسې ویډیوګانې ولیدلې چې په کې ایراني سرحدي ځواکونه افغان کډوال تر ډبرو لاندې ښخوي. دوی افغان مهاجرینو ته سپکاوی او ګواښونه کول او د هغوی له ژړاوو او چیغو یې خوند اخیست. بل هیڅ هیواد د افغان مهاجرینو سره دومره ظلم نه دی کړی لکه ایران یې چې کوي. مرګ د ایران په بې دین، ظالم او منافق رژیم.

| 08-09-2022

زما لپاره د طالبانو او داعش تر منځ توپیر نشته. طالبان له تېرو شلو کلونو راهیسې همدا کار کوي او اوس پوهېږي چې چاودنې او ځانمرګي بریدونه کول ډېر ساده او اسانه دي. په مقابل کې د خدمتونو وړاندې کول، د خلکو امنیت ساتل، له ټولنیزو ستونزو سره مقابله او داسې نور کارونه سخت دي. زه په ډاډ سره ویلی شم چې طالبان پخپله پوهیږي چې د خلکو د امنیت د ساتلو توان نه لري او په خپله ناکامي پوهیږي. له یوې خوا د دوی غرور، خود غرضي او له بلې خوا د پاکستان حکمونه د دې مخه نیسي چې دوی په هېواد کې د ثبات د ټینګښت لپاره اساسي ګامونه پورته کړي. د طالبانو پاکستاني قوماندانان په دې پوهېږي، چې کله په افغانستان کې جګړه پای ته ورسېږي او دا هېواد باثباته شي، نو د امریکا او متحدینو لپاره به پاکستان خپل اهمیت له لاسه ورکړي او دغه هېواد به بیا د دې جوګه نه وي چې له نورو هېوادونو څخه په افغانستان کې د جګړې او ترهګرۍ په نامه پیسې واخلي. همدا لامل دی چې پاکستان طالبان مجبوروي چې هغه کارونه وکړي چې په افغانستان کې د بې ثباتۍ لامل ګرځي. طالبان د پاکستان غلامان دي چې د پاکستان د ګټو د ساتلو لپاره افغانستان قرباني کوي.

| 08-09-2022

په افغانستان کې چې څومره وژنې او قتلونه کېږي تر شاه یې د بهرنیو استخباراتو لاس دی چې غواړي افغانان په خپلو کې سره په جګړو کې ښکیل کړي او دوی له دې فرصت په استفادې خپلې ګټې ترلاسه کړي او افغانستان د همېش لپاره د جنګ د میدان په توګه وکارول شي. دلته چې هر څوک او د هر قوم کس وژل کېږي، ظلم پرې کېږي، حق یې خوړل کېږي... خلاف یې یو. خو څومره تبلیغ چې هزاره ګانو ته کېږي، بل هېڅ یوه قوم ته نه کېږي. کنه هره ورځ لسګونه پښتانه وژل کېږي، ولې یې راپورونه نه خپرېږي؟ ولې نه رسنیز کېږي؟ ولې د پښتون د حق پوښتنه نه کېږي؟ دا چې هر څه دلته روان دي علت دادی چې پښتانه او نور قومونه په خپلو کې سره په جنګ کړي. کنه په تېرو شلو کلونو کې د پښتون بېلا بېل انساني حقونه خوړل شوي، مګر ټولې دنیا پرې سترګې پټې کړي وې، اوس یې هم حقه حقوق خوړل کېږي. خو نړیوال پرې چپه خوله دي. زما عرض دادی چې د سلام ټایمز اداره دې دغه موضوع د خپلو سرچینو له لارې دنیاوالو ته وښيي او ثابته دې کړي چې په افغانستان کې یوازې د هزاره، تاجک، ازبک... حق نه؛ بلکې کلونه کېږي چې د پښتنو حقونه هم خوړل کېږي، وژل کېږي، په بمونو کېنول کېږي او بیا انفجار ورکول کېږي... خو هېڅوک یې پوښتنه نه کوي او نه یې غمخوار پیدا شو.

| 08-09-2022

داسې ګونګوسې خپریږي چې ګواګې د داعش جنګیالیو او د شمالی ټلوالي د مقاومت ډلې تر مېنځ چې مشري یې د پخواني جنګسالار احمدشاه مسعود زوی احمد مسعود په غاړه لري یو بل ته لاس ورکړی او د طالبانو په وړاندې یوځای جګړه کوي. شمالي ټلواله چې د ډېر پخوا نه د ترهګریزو حملو سره بلدتیا لري او آن د جمهوریت پر مهال به یې هم ورانکاري کارونه ترسره کول غواړي د داعش په ملتیا افغانستان یو ځل بیا د کورنۍ جګړې د اور خوراک کړي. زما هیله ده ملګرو ملتونو او نړیوالو بنسټونو نه داده چې په افغانستان کې دې هغه د بشريت ضد جنایتونه وڅېړي کوم چې شمالي ټلوالي د مقاومت ډلې او داعش لخوا په ګډه ترسره شویدي. پنجشیریان ډېر سپین سترګې او بې وجدانه خلک دي. دوی له یوې د طالبانو په وړاندې د جګړې شعارونه ورکوي او له بلې خوا شکایت کوي چې ګواکې طالبان یې وژني. دوی خپلو شخصي موخو ته د رسېدلو لپاره د رزالت تر وروستۍ کچې رسېدلی شي. امریکا او نړیواله ټولنه باید دا ډله د داعش په څېر یوه تروریستي ډله اعلان کړي.

| 08-09-2022

زه فکر کوم چې دا دوه بریدونه یوازیني بریدونه نه دي چې د عاشورا په مراسمو کې ترسره شوي دي. د دغو مراسمو په ترڅ کې هره ورځ د کابل ښار په شیعه مېشتو سیمو کې یوه چاودنه کیږي،‌ خو طالبانو د داعش د بریدونو د مخنیوي په خاطر په کابل ولایت او د هغه د ګاونډیو ولایتونو په ځینو سیمو کې مخابراتي شبکې بندې کړې. د طالبانو دغه کړنه په ډاګه کوي چې دغه ډله تر کومه حده د امنیت په ټینګښت کې پاتې راغلې او په هېواد کې د امنیت د ټینګښت په برخه کې د دوی ادعا درواغ دي. زموږ پر هېوادوالو هره ورځ وحشتونه کېږي. داعش يې وژني، طالبان هم خپل خلک وژني، ولس هم له فقر او لوږې ځورېږي. بېکاري او نورې ټولنيزې ستونزې خپل اوج ته رسېدلې دي. په همدې حال کې طالبان چمتو نه دي چې د یوه مسوول حکومت په توګه عمل وکړي او خپلې دندې ترسره کړي. هماغه وژنې او بریدونه چې طالبانو د جمهوریت پر مهال ترسره کول اوس داعش او هغه ډله چې ځان مقاومت بولي، ترسره کوي. افغانان به تر هغه وخته پورې جنګیږي او وژل کیږي څو چې موجود وي.