په کابل او مزارشریف کې شوې چاودنې په نړۍ واله کچه وغندل شوې

| 05-28-2022

لعنت دې په دې نړیوالو وي چې هم په بېلا بېلو نومونه وژل کوي او هم شاته غندنې کوي. دا شل کاله کاله کېږي چې زما د عمر سره سم د غندنې کلمه روانه ده. داعش اصلاً د همدې نړۍ والو استخباراتي ادارو له خوا جوړ شوې ډله ده چې اصلي کار یې وژل دي. او په افغانستان کې چې څومره بریدونه هم کېږي پاکستان یې کوي او په افغانستان کې د وژلو پروژه پاکستان مخته وړي. بیا یې تیار ورته لاس پاک جوړ کړی ایسته یې پړه په داعش ور واچوي او داعش یې هم مسؤلیت ومني. افغانان د جنګ خلک نه دي. پردۍ جګړې او پروژې په افغانستان کې تطبیقېږي. ایران، سعودي، چین، امریکا، برتیانیا او بل بل... هغه هېوادونه دي چې خپلې پروژې د پاکستاني استخباراتو په وسیله په افغانستان کې تطبیقوي او کلونه کېږي چې د افغانانو وینې لکه سېلاب تویوي او افغانستان یې په کنډواله بدل کړی.

| 05-27-2022

د ايران د فارس خبري اژانس د رپوټ له مخې، «د ايران د ملي امنيت د عالي شورا منشي امیرالبحر علي شمخاني په دوشنبې ښار کې د سيمه ايز امنيت د خبرو اترو په څلورمه غونډه کې په دې خبرې سره چې ترهګري او تندلاريتوب په افغانستان کښې د ناامنۍ مهم عوامل دي، وويل؛ له بده مرغه چې افغانستان ته د ترهګرو په لېږد او لارښوونه کې د سیمې او له هغه بهر د ځینو هېوادونو د حضور او لاس لرلو اندېښمنوونکي شواهد لرو.» د علي شمخاني خبرې واقعاً د افغانانو لپاره د اندېښنې وړ دي. په سلام ټایمز کې مې ځینې خبرونه ولوستل چې په کې ایران په افغانستان کې د داعش له فعالیتونو او د شیعه ګانو په وژلو کې په ناوړه استفادې تورن شوی او هڅه کوي چې په افغانستان کې قومي تفرقه واچوي. ایا ایران غواړي چې د سیمې او بهر هېوادونو په تورنولو سره د داعش د ستونزې په هکله مبالغه وکړي او د افغانستان په کورنیو چارو کې لاسوهنه د بهانې په توګه وکاروي؟ همدارنګه که ایران په رښتیا هم افغانستان ته د ترهګرو د تګ راتګ په اړه کره اسناد او شواهد لري، ولې یې نه افشا کوي؟ ولې دغه هیواد غواړي د افغانستان په اړه د منځنۍ اسیا ګاونډیان دې ته جوړ کړي چې منفي فکر وکړي؟ ایران په تیرو شلو کلونو کې په پرله پسې ډول د طالبانو او ترهګرو ډلو په ملاتړ تورن شوی او په افغانستان کې یې د یوه ترهګریز دولت د رامنځ ته کولو خوب لیدلی، نو په افغانستان کې د ترهګریزو فعالیتونو د پراخیدو په اړه د یوه ترهګر هیواد اندیښنه بې ځایه ده، خو هغه یوازې هڅه کوي چې د افغانستان شمالي ګاونډیان وډار کړي او امتیازات ترلاسه کړي.

| 06-01-2022

حرامي او موردګاو علي شمخاني پخپله ترهګر دی. د هغه ناپاک انقلابي ګارد ترهګر دي او خامنه اي د ترهګرو پلار دی. ایران تر اسرائیلو بدتر دی. پاکستان تر ایران هم بدتر دی. لعنت دې وي په ایراني، پاکستاني او اسراییلي استخباراتي کړیو چې نړۍ یې د ټولو انسانانو لپاره په دوزخ بدله کړې ده.

ځواب ورکړئ

| 05-27-2022

خلک که څه هم د افغانستان د قانوني نظام نسکورېدو او د پاکستان اشغال ته خپه ول خو بیا یې هم د نسبي امنیت په هیله له دې هرڅه تېر شول او د طالبانو په وړاندې یې هیڅ ونه ویل او هرڅه یې وزغمل. اما په تېرو څو میاشتو او په تېره بیا د تېرې روژې په میاشت کې خونړیو برېدونه چې سلګونه هیوادوال یې مړه او ټپیان کړل د افغانانو د نسبي امنیت هیلې یې د خاورو سره خاورې کړې. او په لویه مانا یې د افغانستان ټول خلک د ویر په ټغر کینول او یو ځلې بیا یې دا وېره څرګنده کړه چې که د هېواد ټول ښځې او نارینه، طالب او دموکرات، دولتي او نادولتي، امارتي او غیرامارتي، د شمال او د جنوب، او د هر مذهب خلک سره راټول نشي اود غفلت د دې تاریخي او اوږده خوب څخه وېښ نه شي؛ هره ورځ به د اوس په شان د سر او مال قربانی ورکوي او ټول به په ګډه د ‌‌ذلت او نیستی د کندې په لور ټېل وهل کیږي. ټول به د ګاونډیو هېوادونو د استخباراتو په لومو کې درانه زیانونه ګالي او له هغه حتمی سرنوشت سره به مخامخ کېږي چې د نړۍ نور ویده ولسونه په تاریخ کې ورسره مخامخ شوي دي.

| 05-27-2022

د نورو میراثونو ترڅنګ، په افغانستان کې د امریکا او نړیوالو متحدینو له خوا یو ډېر بد میراث پاتې دی، چې د سیمې او نړۍ د امنیت او ثبات پر وړاندې د تروریستي اهدافو په لرلو سره د څه باندې ۲۰ ترهګرو ډلو شتون دی. امریکا او متحدین یې د اندیښنې، بې ګټې غندنې او لفظي غمیزې په څرګندولو سره نشي کولای له خپلو مسوولیتونو څخه ځانونه خلاص کړي. د غیر رسمي شمېرو له مخې (ځکه چې طالبان رسنیو ته اجازه نه ورکوي چې حقیقي ارقام خپاره کړي)، په کابل او مزارشریف کې د داعش وروستي بریدونه د ۵۰ څخه د زیاتو کسانو د وژل کېدو او د ګڼو نورو د ټپي کېدو لامل شوي دي. اوس غواړم پوښتنه وکړم چې ایا د ښاغلي ویسټ او آغلې رینا امیري له خوا د دغو بریدونو غندنه به د قربانیانو د کورنیو غم راکم کړي؟ د جمهوريت پر مهال به چې کله کوم برید یا چاودنه کېده، نو دولتي چارواکو د دې پر ځای چې مسؤلیت یې ومني، د غندنې څرګندونې چې مخکې تر مخکې لیکل شوې وې، خپرولې او فکر یې کاوه چې هغوی به په دې توګه تروریزم ته ماتې ورکړي، خو تروریزم مات نشو او د پاکستان د استخباراتو په مرسته یې وکولای شوای چې جمهوریت له پښو وغورځوي. امریکایي چارواکي اوس هم همدا کار کوي او زه ویره لرم چې امریکایي چارواکي به د دې بریدونو په غندلو دومره بوخت وي چې داعش به کابل ونیسي.

| 05-26-2022

ډېر غربي ریښتني پوهان په دې نظر دي چې داعش د یو شمېر نړۍ والو استخباراتي ادارو له خوا جوړ شوی سازمان دی چې پروژه یې د پاکستان استخباراتي اداره تطبیقوي. د پاکستان پوځ او استخباراتي اداره د سعودي، برتانیا، چین او یو شمېر نورو لویو ځواکونو پروژې په افغانستان او سیمه کې تطبیقوي او دا کار د پیسو په بدل کې کوي. د انګریز دغه حرامي اولاد (پاکستان) ۴۵ کاله مخکې د افغانستان د ورانولو لپاره ۷ جهادي تنظیمونه جوړ کړل او هغه پروژه یې تر هغه وچلوله چې کابل یې په کنډوالو باندې بدل کړ، بیا یې د برتانیا په خوښه او د سعودي په مالي مرسته د طالبانو پروژه را واېستله او داسې یې تطبیق کړله چې افغانستان یې قرون وسطی ته شاته وتمباوه. له هغه نه وروسته یې د داعش پروژه واخیستله. د سعودي او انګریز دا پروژه د دې لپاره جوړه شوې چې شیعه ګان ووژني او افغانستان کې د شیعه او سني تر منځ د جنګ اور بل کړي. او دا ټول کارونه د اسلام تر نامه لاندې او د اسلام د بدنامولو لپاره کوي.