د سرپل اوسېدونکي د اوبیزو سرچینو په بیا رغونه باندې کار کوي

| 10-29-2022

له ډبلیو اېف پي څخه مننه چې له افغانانو سره دوامدارې او پر وخت مرستې کوي. که دا موسسه نه وای، نن به د افغانستان وضعیت ډېر خراب و. د اوبو د سرچینو مدیریت د افغانستان لپاره ګټور او اړین دی. په افغانستان کې موږ صنایع نه لرو او زموږ خلک تر ډېره په کرنه بوخت دي. له همدې امله د اوبو مدیریت خورا مهم دی. له لسیزو راهیسې زموږ د هېواد اوبه په وړیا توګه پاکستان او ایران ته ځي او موږ د فصلونو د خړوبولو لپاره کافي اوبه نه لرو.

| 10-22-2022

په حقیقت کې، تمرکز باید په همداسې داسې پروژو باندې وشي. لومړیتوب باید د لوږې مخنیوی او د هغو خلکو ملاتړ وي چې د خوړو له نه خوندیتوب سره مخامخ دي، خو د دې پروژې ګټې یوازې د خلکو د خېټو په ډکولو پورې محدودې نه دي. اوه زره افغانۍ په کلیوالو سیمو کې د ټیټ عاید لرونکو کورنیو لپاره ډېرې پیسې دي. دوی کولی شي د دې پیسو په وسیله ښه ژوند وکړي او که وغواړي یو څه پیسې خوندي کولی هم شي. په ورته وخت کې، لکه څنګه چې ستاسو په راپور کې یادونه شوې، د کانالونو او حوضونو جوړول کولی شي د یوې سیمې د اوبو کچه لوړه کړي او د وچکالۍ مخه ونیسي. دا پروژه د کرنې په برخه کې هم اغېزمنه تمامېدای شي، ځکه څومره چې د اوبو کچه لوړېږي، د خلکو کروندې به ډېرې اوبه ولري. نو زه فکر کوم چې د خوړو نړیوال سازمان او نور سازمانونه باید د پیسو د وړیا ویش مخه ونیسي او خلک پریږدي چې د پیسو په بدل کې دا ډول پرمختیایي فعالیتونه ترسره کړي.

| 10-20-2022

له ډبلیو اېف پي څخه مننه چې له افغانانو سره یې پرله پسې او پر وخت ملاتړ وکړ. که دا موسسه نه واى، ښايي نن به د افغانستان وضعيت ډېر ناوړه و. دې موسسې په مناسب وخت د اقداماتو سره په عاجله توګه اړمنو افغانانو ته پاملرنه وکړه او هغوی وکولی شوای چې مرستې ترلاسه کړي، خو په عین حال کې ما ولیدل چې طالبان په دوامداره توګه د نړیوالو موسسو له خوا د مرستو د ویش په بهیر کې ګډون کوي. دوی خلکو ته داسې څرګندوي چې د طالبانو ادارې دا مرسته کړې او په دې توګه هڅه کوي چې خلکو ته د خپل ځان ښه انځور وړاندې کړي. زه له مرستندویو موسسو او د هغوی له افغان شریکانو څخه غواړم چې طالبان د خپل شهرت لپاره د نړیوالې ټولنې د مرستو له کارولو ایسار کړي. مننه

| 10-24-2022

د ډبلیو اېف پي په هکله ستاسو نظر سم دی، لاکن د طالبانو په اړه عاقلانه نه دی. که مونږ دا ومنو که نه، نن طالبان د افغانستان واکمنان دي. امریکا او نور هیوادونه دغه حکومت یا نظام مني. دا دوه اساسي لاملونه لري. لومړی دا چې د دوحې تړون ثابته کړه چې پخوانی حکومت په افغانستان کې د دولتي نظام میراث خور نه و. په دې توګه طالبان هغه ډله وه چې امریکا د هغوی پر ځای ورسره خبرې وکړې او بالاخره یې واک ورته وسپاره. سربېره پر دې، زه ډاکټر غني ته د یوه هېوادپال په توګه درناوی کوم، چې د افغانستان د ژغورنې لپاره یې هڅې وکړې، خو پخوانی حکومت د څو جنایتکارانو، غدارانو، غلو، د نشه یي توکو د قاچاقبرانو او قومي زورواکو له یوې ګډولې څخه پرته نور څه نه و. بل دا چې ولې يې په شلو کلونو کې افغانستان په داسې هېواد بدل نه کړ چې نورو ته محتاج نه وي؟ په داسې حال کې چې د امرالله صالح، دانش، سیاف، الله ګل مجاهد، عطا محمد نور، جنرال دوستم، احمد ضیا مسعود، ظاهر قدیر او نورو په ګډون د پخواني رژیم ټولو جنایتکارانو او ملاتړو په ترکیه، متحده عربي اماراتو او نورو هیوادونو کې د ځانونو لپاره هوسا ژوند برابر کړی دی، بیا هم غواړي چې د غریبو ماشومان وهڅوي چې د طالبانو پر ضد جګړه وکړي. د دواړو لپاره غوره لاره دا ده چې طالبان انعطاف وښيي او قومي او مذهبي لږکیو ته په واک کې برخه ورکړي او نړیواله ټولنه د نوي حکومت په رسمیت وپیژني؛ که نه نو افغانستان به د نورو جګړو له امله نور هم ویجاړ او خراب شي.

ځواب ورکړئ

| 10-20-2022

ډېر ښه. د اوبیزو سرچینو مدیریت د افغانستان لپاره هم ګټور دی او هم ضروري دی. په افغانستان کې مونږ صنایع نه لرو او زمونږ خلک تر ډېره په زراعت باندې متکي دي. له دې امله، د اوبو مدیریت ډېر مهم دی. د اوبو مدیریت او نه مدیریت داسې مثالونه لري لکه د باران اوبو ته چې یو ستل داسې کیښودل شي چې خوله یې پورته وي او اوبه په کې راټولې شي. خو که د ستل بېخ پاس او خوله یې ښکته وي، د باران څاڅکي به پرې لګېږي او اخوا دې خوا به ځي. دغسې د افغانستان اوبه هم دي. لسیزې وشوې چې زمونږ د هېواد اوبه په وړیا ډول پاکستان او ایران ته ځي او زمونږ په هیواد کې دومره اوبه نه وي چې مونږ پرې فصلونه اوبه کړو. زما نظر دا دی چې هر کلی باید په خپلو نژدې دښتو کې وړې وړې کندې وباسي چې اوبه په کې ټولې شي. که د باران اوبه په دغو کندو کې درې ورځې هم ایسارې شي د هیواد لپاره ګټه رسوي. یو طرف ته د ځمکې د تخریب مخه نیول کیږي او بل طرف ته اوبه نیمې په ځمکه کې ننوځي چې د ځمکې د سطحې اوبه منظمې ساتي او نیمې نورې یې تبخیر کیږي او هوا ته پورته کیږي چې هغه نور باران را وروي. که ملګري ملتونه، امریکا، اروپا یا بل هر هیواد په دې برخه کې له افغانانو سره مرسته کوي، مونږ یې باید ملاتړ وکړو. زه ترې مننه کوم.

| 10-20-2022

سرپل کې خو دغه لړۍ د نړیوالو مؤسسو په همکارۍ پیل شوې، مګر په دې وروستیو کې په یو شمېر ولایتونو کې خلکو په خپل شخصي لګښت د اوبو د زېرمه کولو په بندونو کار پیل چې دا واقعیت یو شهامت او دا خلک چې خپلې د روزۍ پیسې پرې مصرفوي واقعیت زړور خلک دي. دوی په دې پوه شوي چې د اوبو مدیریت مهم دی او که ونه شي څو کاله وروسته به خدای مه کړه له سختې وچکالۍ سره مخامخ شي. نو ښه خبره همدا ده که په شخصي لګښت وي او که مؤسسات یې کوي خو لاښه چې هم کار کولو او بوختیا ته زمینه برابره شي او هم اوبه مهار شيٍ چې راتلونکي کلونو کې له وچکالۍ سره مخامخ نه شو. هو یوه خبره داده چې که چېرته دلته په افغانستان کې اوبه کمیږي نو حتماً په چاپیریال بد تاثیر کوي او چې کله زموږ چاپیریال ناپاک شو، تاثیرات یې د ټولې نړۍ هېوادونو ته رسيږي؛ په همدې خاطر ښه به وي چې نړیوال له موږ سره هم اهنګ شي او پرېنږدي چې زموږ د ناپاک چاپیریال له وجې دې هغوی ته هم زیان ورسيږي.

| 10-21-2022

مشکل هم د نړۍ زبرځواکو او صنعتي هېوادونو رامنځته کړی دی. زمونږ د هیواد هغوی ته هېڅ ضرر نه رسیږي. لاکن مونږ د هغوی د صنعتي چارو له امله ډېر بد متاثر کیږو. چین او هندوستان چې له مونږ سره نژدې هېوادونه دي هره ورځ په ډېره زیاته اندازه د ډبرو سکاره سوزوي چې ورسره محیط سخت ککړېږي. حتی زمونږ په ګاونډ کې دا شرمېدلی پاکستان چې یوې خواته ځان اتومي ځواک بولي او بلې خواته د نړۍ د هر هیواد او هرې مالي موسسې قرضدار دی، دی هم په خپلو بې کنټروله فابریکو سره محیط چټلوي. زمونږ په وطن کې د وچکالیو یو لوی عامل همدغه هېوادونه دي. البته دا خبره صحیح ده چې د اوبو مدیریت به مونږ له ډېرو ستونزو څخه خلاص کړي. که په شمال کې د قوش تېپې کانال چارې او په شرق کې د کونړ سیند باندې د برېښنا بند او ورسره دښتو د اوبه کولو چارې ترسره شي، مونږ به له ډېرو ستونزو څخه خلاص شو. ان شاءالله

ځواب ورکړئ