کابل -- به گزارش CA-News.org مقامات رسمی افغانستان می گویند که طالبان افغان در شامگاه 31 اسد یک پل مواصلاتی بین تاجیکستان و ولایت قندوز در افغانستان را تخریب کردند.
به گفتۀ مقامات رسمی انفجار این پل واردات روزانه بیش از 100 کامیون حامل سمنت و محصولات زراعی تاجیکستان برای مصرف کنندگان افغان را قطع نمود.
تا زمانی که این پل بازسازی نشده باشد، این ولایت برای جبران کمبود سمنت و محصولات زراعی مورد احتیاج خود باید به پاکستان تکیه کند. در همین حال، تاجیکستان هم از دسترسی به میوه جات و شکر پاکستان، که قبلا از طریق همین پل وارد می کرد، محروم شده است.