په کندهار کې د شیعه ګانو په جومات کې څو چاودنو په لسګونو کسان ووژل

| 11-07-2023

دوی د انسانانو وینه څومره ارزانه ګڼي؟ هغه به څنګه مسلمان وي چې خپل مسلمان ورور په جومات کې ووژني؟ دا هغه پروژه ده چې د کفارو له خوا جوړه شوې ده. دوی مسلمانان د ترهګرو په توګه وښودل او مسلمانان یې د ترهګرو په توګه معرفي کړل. دا د هغه چا کار دی چې نن ورځ ځان د نړۍ د زبرځواک په توګه وړاندې کوي. دا د څو کسانو لپاره اسانه کار نه دی چې د داعش په نوم یو سازمان جوړ کړي او په ډېرو اسلامي هېوادونو کې ترهګري پیل کړي او په څو میاشتو یا ورځو کې دومره شهرت ترلاسه کړي چې د نړۍ ټول خلک یې له نوم څخه ووېرېږي. هر څوک چې تر یوه نامه لاندې یوه اداره جوړوي باید کافي بودیجه ولري. دا ډول سازمانونه په سل زره ډالرو یا یو ملیون ډالرو او د کوم هېواد له ملاتړ پرته نه رامینځته کیږي. دا سازمانونه د یوه هېواد یا بل هېواد مالي ملاتړ لري. تاسې وګورئ، هېڅ اسلامي هېواد پر بل هېواد وسلې نه پلوري، بلکې اسلامي هېوادونه هم له غير اسلامي هېوادونو څخه وسلې اخلي. ټولې هغه جګړې چې په اسلامي هېوادونو کې روانې دي، د مسلمانانو کار نه دی، دا د غیر اسلامي هېوادونو کار دی چې مسلمانان یې په جګړه اخته کړي دي. هر هغه هېواد چې وسلې تولیدوي او پر نورو هېوادونو یې پلوري، د دې ټولو جګړو مسؤلیت چې په نړۍ کې روانې دي، د هماغه هېواد پر غاړه دی چې پر نورو هېوادونو وسلې پلوري.

| 10-17-2021

که څه هم په تېرو شلو کلونو کې افغانانو ډېر فرصتونه له لاسه ورکړل، خو اوس یې وخت دی چې دا وروستی فرصت له لاسه ورنکړي او په یوه ټغر سره راټول شو، مخامخ سره کېنو او خپلې ټولې تېرې تېروتنې یو بل ته معاف او حتی نوم یې وانخلو چې چا څه او چا څه کړي دي. په ګډه د همدې نوي حکومت په چوکاټ کې یو بل ته لاسونه ورکړو او د افغانستان د راتلونکي نسلونو لپاره کار وکړو. دا اوس چې موږ وژل کېږو یو علت یې زموږ وږې ګېډه ده. موږ ډوډۍ نه لرو، باید زموږ اولادونه زموږ په څېر نورو ته لاس اوږد نه کړي. موږ (افغانانو) ته په کار ده چې په خپله لاس په کار شو او نړیوالو ته چې موږ د سوال کوم لاس نیولی راټول کړو، د مړې ګېډې پر ځای نیمه ګېډه ډوډۍ وخورو خو کلک هوډ وکړو چې د افغان وژنې مخه نیسو او په ګډه یوه خپلواک او په ځان بسیا افغانستان لپاره کار کوو.

| 10-16-2021

دا بریدونه دوه درې میاشتې مخکې هم غندل کېده او اوس هم غندل کېږي، هماغه الفاظو باندې چې څنګه جمهوریتیانو لیکل طالبان یې هم د غندنې اعلامیې لیکلي، بس خر هماغه خر دی یوازې یې کته بدله شوې ده. زه هم وایم چې په کندهار کې د اهل تشیع پر جومات برید په کلکه غندم او د قربانیانو له کورنیو سره خپله خوا خوږي څرګندوم او زموږ اوسني او پخوانیو چارواکو هم همدا خبرې کولې خو د ولس بېخ په کې ووت. ایا د افغانستان خلک حق نه لري چې په سوله او خوندیتوب کې ژوند او خپل عبادت وکړي، او هر مذهب او عقیده چې د دوی خوښه وي غوره یې کړي؟ زه حیران دېته یم چې موږ مسلمانان یو خو بیا هم د مسلمان په نوم یو چا په موږ پسې رااخیستې ده او کلونه کلونه کېږي چې نه مو پرېږدي په یو او په بل نوم مو وژني. که د دغه ډول بریدونو مرتکبین پنځه کاله وړاندې عدالت ته سپارل شوي وی، ولې به نن بیا دا لسګونه کورنۍ د غم په ټغر کېناستې؟ خو نه پخواني حکومت دا کارونه وکړل او نه یې اوسنی کوي. اوسنی ایله لګیا دی کله یې د چرګو غل نیولی وي کله کباړي او کله په یو نوم او کله په بل نوم غریب خلک. دا اوس هم د کندهار همدا برید ایران، پاکستان او ځینو نورو هېوادونو وغانده؛ خو د همدې هېوادونو استخبارات دي چې د افغان وینه یې بهولې او بهوي یې، په ډېرې بې رحمۍ لګیا دي هېڅ درېغ نه کوي.

| 10-15-2021

طالبان باید له فرصت نه ګټه واخلي او ټول افغان لوري په یوه لویه جرګه کې راټول کړي او له ټولو سره سوله وکړي. تاسو پوهیږئ چې مونږ په تیرو شلو کالونو کې د افغانستان د ابادۍ ډېر فرصتونه له لاسه ورکړل. زما هیڅکله نه هیریږي چې ولسمشر اشرف غني د امریکا د ولسي جرګې او مشرانو جرګې په ګډه غونډه کې خبرې کولې او د دواړو جرګو ډېر مهم، پوه او مقتدر غړي ورته تقریبا ۲۲ ځلې د احترام لپاره په پښو ودرېدل. دا درېدل له یوې خوا ولسمشر غني ته د امریکا د استازو درناوی وو او بلې خواته افغان ولس ته د امریکا د ولس درناوی وو خو افسوس چې اشرف غني چا کار ته نه پرینښود او دواړه ځلې ورسره عبدالله عبدالله ځان پینه کړ او د غني د کار مخه یې ونیوله. اوس دې طالبان موقع له لاسه نه ورکوي، ټول لوري دې راټول کړي، غني دې راوغواړي او داسې واکمني دې جوړه کړي چې د ښځو او اقلیتونو حقونه په کې خوندي وي او غني د پرمختیایي پروګرامونو په راس کې وي که نه پاکستان او ایران به د داعش او فاطمیون په نامه بیا د افغاننو وژلو ته دوام ورکړي.