بهرمېشتي افغانان په هرات کې د سرکونو د غاړې په سلګونو ماشومانو ته وړیا د غرمې ډوډۍ برابروي

| 03-16-2023

دا اوس مې د ازادي راډیو یو خبر لوست چې په کې د بېلا بېلو ولایتونو د نجونو د زده کړو حال رااخیستل شوی دی او نجونو په کې د خپلې ناچارۍ کیسې کړي چې سختې خفه دي په دې حالت چې طالبان ورته د زده کړو اجازه نه ورکوي. اخوا بیا د همدې نجونو کورنۍ هم سختې خفه دي چې ښخینه اولادونه یې د نارینه وو په څېر زده کړو ته نه پرېښودل کېږي په داسې حال کې چې پوره افغاني او اسلامي حجاب مراعت کوي خو طالبان یې نه پرېږدي چې زده کړې وکړي. زه وایم کله چې ښوونځی نه وي، کورس نه وي، پوهنتون نه وي هغه ځای هیڅ رڼا نه‌شته او د یوې تیاره راتلونکې خبرداری انسان ته ورکوي، چې دا ډېرې بدې پایلې لري، نو په دې اړه د خلکو اندېښنې بیخي زیاتې دي ،باید ژر تر ژره ښوونځي او پوهنتونونه د نجونو پر مخ پرانيستل شي او ښځو ته د کار اجازه ورکړل چې په دې سره به نړیوال بنسټونه هم طالبانو ته د ملامتۍ ګوته نه نیسي او هر وخت چې وايي که نجونو او ښځو ته د کار اجازه ورنکړي افغان حکومت سره به مرستې بندې کړي، نو زما په نظر طالبان هم باید نور د نړیوالو د دغې بهانې له وجې هم خپل مسیر سیده کړي او پرېږدي چې هر څوک په ازاد افغاني او اسلامي دود له مخې کار وکړي. او که اجازه ورنکړي نو بهرني بنسټونه هسې بهانې لټوي څو خپل فعالیتونه په افغانستان کې بند کړي چې هم د ولس او هم د طالبان په زیان ده. تازه په تازه د ماشومانو د ساتنې اداره، سیف ده چلډرن ویلي، که طالبان د نجونو پر زده‌کړې لګول شوی بندیز سمدستي لیرې نه‌کړي، د ماشومانو ودونه او بې‌وزلي به زیاته شي. له بې وزلۍ یې ښکاره هدف دا دی چې خپل فعالیتونه به بند کړي نو که لږ عقل هم وي نور باید دغه کیسه پای ومومي او نجونې زده کړو او ښځې کار ته پرېښودل شي.

| 03-15-2023

معمول دا دی چې د غریبو هېوادونو وګړي غواړي چې د ژوند د ښه والي په موخه بډایه هېوادونو ته مخه کړي. له دغه ډول غریبو هېوادونو څخه یو هم افغانستان دی. د نورو هېوادونو د وګړو په څېر، ډېری افغانان هم له مختلفو لارو هغه که قانوني دي او که غیر قانوني، ځان یې تر اروپا، امریکا، اسټرالیا... رسولي. دا په داسې حال کې ده چې د خپل خوږ وطن پرېښودل څه اسان کار نه دی. هغه افغانان چې خپل اولادونه یې په خپل هېواد کې پریښي او دوی په نورو هېوادونو کې د مسافرۍ شپې ورځې سبا کوي، په یقین سره لویه قرباني ورکوي. دوی په ځان سختې تېروي، د خپلې ځوانۍ انرژي د نورو هېوادونو په ابادۍ کې مصرفوي خو برعکس اورم چې د کوربه هېوادونو ځینې وګړي ورسره تعصبي چلند کوي. دا په داسې حال کې ده چې بډایه هېوادونه د انساني قوې له کمښت سره مخ دي. دوی ته همدا یوه لاره ور پاتې چې د غریبو هېواونو له وګړو څخه د خپلو هېوادونو په ابادۍ او ترقۍ کې استفاده وکړي. البته سناریو یې داسې جوړه کړې چې غریب هېوادونه د همدې بډایه هېوادونو د ناسمو سیاستونو له امله په جنګ او غربت کې راګېر دي. تاسو وګورئ؛ ایران د سوريې د جنګ ګټلو لپاره له افغانانو کار اخلي خو په مقابل کې له افغانانو سره کوم چلند کوي، پاکستان به د کشمیر د جنګ لپاره له افغانانو کار اخیسته، روسان غواړي چې د اوکراین د جنګ ګټلو لپاره له افغانانو کار واخلي... خو برعکس همدې هېوادونو له افغانانو سره کوم چلند کړی او کوي یې. نو اخر تر څو؟ راځئ په ګډه د لوږې پر وړاندې مبارزه وکړو، راځئ د جنګونو مخنیوي وکړو، راځئ ژوند وکړو.

| 03-12-2023

که په سمه توګه او امانتدارۍ او ایماندارۍ سره کار شوی وی ولې به نن د سرکو په سر ماشومانو ته خواړه ورکول کېده. که سمه حکومتولي شوې وی نن به دغه ماشومان پر زړه کړو بوخت وو او پر ځای به یې پلار، مشر ورور او یا هم د کورنۍ یوه بل غړي په منظم ډول کار کاوه او دغه ماشومان به سیوري ته ناست وی. خو متاسفانه دوه لسیزې یا هم له دې زیات وخت واک د هغه چا لاس کې وو چې پیسې یې واخیستې او د تېښتې وخت چې راغی بهر ته یې انتقال کړې اوس بې غمه ژوند کوي خو دلته په وطن کې ماشومان د سرکونه په سر خوراک کوي او بیا ټوله ورځ یې په عبث شیانو تېرېږي. کاش چې په پوره ایماندارۍ کار شوی وی. د دې بهر مېشتو کور ودان او ډېره شکریه چې بیا هم د خپل وس مطابق په یو نه یو ډول یې د همکارۍ لاس رااوږد کړی او دې ماشومانو ته یې ورکړی دی. اوس هم سر وخت دی چې لاس په کار شو او د وطن د ابادۍ لپاره کار وکړو. هسې نه راتلونکي نسلونه موږ ته د ملامتۍ ګوته ونیسي څنګه یې چې موږ تېرو ته نیسو. د داسې یوې ورځې په هیله چې بوجۍ په شا ماشوم نه؛ بلکې د کتابونو بکس په شا ماشومان وګورو او په لیدو یې له زړه ورته خوشاله شو.

| 03-11-2023

دا یو ډیر دروند کار دی. د دې خبر په اوریدو ډیر خوښ شوم. کله چې مونږ دا ماشومان ګورو زه ډیر دردېږم. ډیری خلک چې دا ماشومان ترې پیسې غواړي، له دوی سره انساني چلند نه کوي. که یو ماشوم له چا څخه ډوډۍ وغواړي، تقریباً ۱٪ له دې ماشومانو سره مرسته کوي او پیسې ورکوي، او دا ماشومان کولی شي په هغو پیسو د ځان لپاره ډوډۍ واخلي او وخوري. دا ماشومان نه پوهیږي چې په راتلونکي کې به څه پیښ شي. تر ټولو مهمه دا ده چې د دې ماشومانو د روزنې لپاره یو بنسټ جوړ شي.

| 03-11-2023

الله تعالی دې زمونږ په خلکو رحم وکړي. په دوه لسیزو کې د نړۍ بیلابیلو هیوادونو له افغانستان سره مرستې وکړې. بدبختانه چې حکومتي چارواکو چې اکثر یې پخواني جنګسالاران ول د دې پرځای چې بېخبناوې جوړې کړي، فابریکې جوړې کړي، برق جوړ کړي، دومره وکړل چې پیسې یې ولوټلې او په خارجي بانکونو کې یې ذخیره کړلې. د دې راپور هر لفظ د یوه باوجدانه انسان زړه پرې کوي. د یوه هیواد ماشومان چې په سرکونو خیرات غواړي، ځوانې ښځې چې خیرات غواړي او حاکمان یې د اسلام تر نامه لاندې حکومت کوي دا د بدبختیو اوج دی. حقیقت دا دی چې اسلام مونږ ته نه دی پاتې، اسلام له مونږ نه غرب ته تللی دی. زه چې ګورم د افغانستان اسلامي جمهوریت/امارت، د پاکستان اسلامي جمهوریت، د ایران اسلامي جمهوریت... دا دروغ دي. د اسلام د حقیقي تعریف او اساساتو په اساس د امریکا حکومت اسلامي حکومت دی، یعنې د امریکا اسلامي جمهوریت، د جرمني اسلامي جمهوریت، د فرانسې اسلامي جمهوریت، د ایټالیا اسلامي جمهوریت، د ناروی اسلامي جمهوریت، د برتانیا اسلامي جمهوریت... دا صحیح دي. دوی د اسلام احکام صحیح تطبیق کړي دي. عَنْ عَبْدِ اللَّهِ بْنِ عَمْرٍو أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ: "أَرْبَعٌ مَنْ كُنَّ فِيهِ كَانَ مُنَافِقًا خَالِصًا، وَمَنْ كَانَتْ فِيهِ خَلَّةٌ مِنْهُنَّ كَانَتْ فِيهِ خَلَّةٌ مِنْ نِفَاقٍ حَتَّى يَدَعَهَا: إِذَا حَدَّثَ كَذَبَ، وَإِذَا عَاهَدَ غَدَرَ، وَإِذَا وَعَدَ أَخْلَفَ، وَإِذَا خَاصَمَ فَجَرَ". که د نبی (ع) دا حدیث وکتل شي، په غربي نړۍ کې اکثر خلک دا څلور صفتونه نه لري، لاکن که همدا بیا په افغانستان، پاکستان، ایران... کې وکتل شي، له ۷۰٪ نه ډېر خلک دا منفي صفتونه لري. اوس مقایسه کړئ چې اسلام په غرب کې دی که