د ډبلیو اېف پي د مچیو ساتنې پروژه په کندهار کې د بې وزلۍ په راکمولو کې مرسته کوي

| 06-06-2023

آفرین داسې پروژې دې ډېرې تطبیق او تمویلوونکو یې کور ودان چې د غریبو لاسنیوی په سمه توګه کوي. هغوی چې د بشري مرستو په نوم په کوڅو او سرکونو کې تورسرې او واړه ماشومان په ځان راټولوي ښه ده چې داسې د کار فرصتونه ایجاد او خلک په کې بوخت کړي. او که مؤسسات نور هم موږ افغانانو سره همکاري کول غواړي، نو زموږ اولویتونه دې درک او بیا دې کار وکړي. مثلاً د برښنا لوی او واړه بندونه جوړول چې په دې سره به هم ځمکې خړوب، د حاصلاتو کچه زیاته او د قحطۍ مخه به نیول شوي وي. همدارنګه د وچکالۍ مخنیوی به هم شوی وي. خلک به خپلو کروندو او باغونو کې په کار بوخت شي. دغه راز که د بادي او سولري برښنا برخه کې پانګونه وشي هم به هماغو کمپنیو ته چې پانګونه یې کړې ده؛ ګټه ورسېږي او هم به زموږ وطنوالو له تاوان بچ شي. زموږ خلک ډېر غریب دي، خو هره میاشت د برښنا زیات زیات بیلونه پرې کوي چې وس یې نه ورته کېږي او یوازې یو ګروپ ترې د تیارې د ختمولو لپاره لګوي. د افغانستان برېښنا شرکت خبر مې ولوست. وايي د روان کال د غويي میاشتې په دوو اونیو کې یې د لوګر کندهار، فراه، زابل او پکتیا ولایتونو څخه ۱۵ میلیونه او ۵۰۰ زره افغانۍ عواید راټول او د دولت خزانې ته سپارل شوي دي. دا زموږ د غریبو خلکو پیسې بیا بېرته نورو هېوادونو ته ځي. مثلاً د برېښنا شرکت سرپرست او د سوداګریزو چارو رییس د دې ادارې د کلني راپور وړاندې کولو په غونډه کې څو ورځې وړاندې وویل، چې دې شرکت تېر ۲۰۲۲ زېږیز کال تاجکستان ته د وارداتي برېښنا په بدل کې ۹۶ مېلیونه ډالره، ازبکستان ته څه باندې ۹۴ مېلیونه ډالره، ایران ته ۶۲ مېلیونه ډالره، ازبکستان ته ۴۷ مېلیونه ډالره او همداراز د برېښنا کورنیو تولیدي شرکتونو ته ۲۲٫۳ مېلیونه افغانۍ ورکړي دي. لومړیتوبونه!!!

| 06-06-2023

درې څلور کاله وړاندې مې له یوې سیمه ییزې رسنۍ سره د خبریال په توګه کار کاوه. د سهارنۍ خپرونې لپاره مې د کوچنيو کاروبارونو والا سره مرکې کولې. دوی د سبزۍ، سوپ، ممپليو، جوار او … له خرڅولو خپلې کورنۍ ساتلې. د کور کرایې یې ورکولې او ځینو خو د بچیانو لپاره په شخصي لېسو، کورسونو او پوهنتونونو کې فیسونه هم ورکول. دوی مو په ‌دې غږول، چې څنګه یې په کمو پیسو کارونه روان کړي او څومره ګټي؟ هغه وخت چې ما څومره مرکې کړي، اکثر له خپلو کاروبارونو خوښ وو. مقصد دا دی، چې کوچني کاروبارونه ورو ورو غټیږي، خو که یو څوک حوصله ولري او په لومړیو کې ورته لاس ورکول شي. زموږ ډېر داسې ځوانان شته چې یو وړوکی کاروبار ښه سم چلولی شي خو ډېرو کمو امکاناتو ته چې اړتیا ده هغه یې په واک کې نشته. زه شخصاً د دې طرفدار یم چې مؤسسات که چاسره مرسته کوي نو واړه واړه کاروبارونه دې ورته جوړ کړي. د اوبو بندونه دې ورغوي. د برښنا په لویو بندونو دې پانګونه وکړي.‎ ځکه زموږ د هېواد او خلکو لومړیتوبونه باید وپېژندل شي او بیا کار وشي. دا پرون یوناما لیکلي چې افعانستان کې یې یوه برنامه پیل کړه چې خلک د پلاستیکونو له کارولو راوګرځوي. وایي، «خلک پوهوو چې پلاستیک چاپیریال ککړوي.» نو زه وایم چې هلکه زموږ لومړیتوب درک کړئ او هماغسې کار وکړئ. پلاستیک به هم وخت سره خلک کم وکاروي، خو لومړی د برښنا بندونو، کار روزګار، تعلیمي ادارو جوړولو او استادانو ته د منظم معاش د ورکړې ... غم وخورئ.

| 06-05-2023

دا سمه ده چې د جمهوریت په شل کلنه دوره کې د کندهار او د هغه د ګاونډیو ولایتونو اوسېدونکو ډېر زیانونه لیدلي او ښه به دا وي چې هغوی ته ډېره پاملرنه وشي، خو په عین حال کې د نورو ولایتونو لکه بامیان، سرپل، دایکندي، اروزګان… اوسیدونکي هم بې وزله او وزګار دي. د يادو ولايتونو د اوسېدونکو د بې وزلۍ يو لامل د هېواد له پولو لیرې موقعیت دی. په هغو ولایتونو کې چې له پاکستان، ایران، تاجکستان، ازبکستان او ترکمنستان سره ګډه پوله لري، په نسبي ډول د کار فرصتونه ډېر دي، ځکه د هېوادونو ترمنځ سوداګري ډېره ده.

| 06-04-2023

د افغانستان خلک په فقر، بیکارۍ او لوږه کې ایسار پاتې دي. په هرصورت، د ملګرو ملتونو سازمان په افغانستان کې ډیرو خلکو ته کاري فرصتونه رامنځته کړي دي. اوس د ډبلیو اېف پي د مچیو روزنې پروژه په کندهار کې د بې وزلۍ په کمولو کې مرسته کوي. په دې مرسته هغه کورنۍ چې نفقه ګټونکی نه لري، یوه مړۍ ډوډۍ پیدا کوي او د یو څه مودې لپاره له بېکارۍ څخه ژغورل کیږي. دا پروژه لنډمهاله ده، خو که خلک احتیاط وکړي او کار وکړي اوږد مهاله عاید به ولري او مونږ غوښتنه کوو چې د افغانستان په نورو ولایتونو کې هم ورته پروژې پلې شي. مونږ د ملګرو ملتونو او د ډبلیو اېف پي د مچیو روزنې پروژې څخه مننه کوو چې د بیکارۍ او فقر په دې سخت حالت کې د افغانستان د خلکو سره مرسته کوي او دوی ته د کار زمینه برابروي.

| 06-03-2023

د مساحت له پلوه کندهار خورا پراخه سیمې لري. د کندهار ځينې ولسوالۍ په شینوالی یا شینګیا کې ښه نوم لري. د یادولو ده چې د کندهار د ارغنداب ولسوالي چې د انارو له وجې مشهوره ده، ډېره شنه ده. د کال په اوږدو کې په دې ولایت کې بزګران مختلف فصلونه کري چې د مچیو په برخه کې یې د افتاب پرس، ریحان یا کشمالي او نور د یادولو وړ دي. ویلی شو چې یاد فصلونه بیا هم کافي نه دي. زه وایم ښه به دا وي که په کلیوالو سیمو کې د مچیو له روزنې سره سره بزګرانو ته د هغه زراعت چې د شاتو په تولید کې رغنده رول لري، سپارښتنه دې وشي. دې کار سره به بزګرانو ته هم د شاتو او هم د زراعت ګټه لاس ته ورشي. بل دا چې په کندهار کې د لبنیاتو تولید د خلکو په ژوند کې مثبت بدلون را وستی. په دې اساس له ډبلیو ایف پي څخه مو غوښتنه ده چې په افغانستان کې هغو ولایتونو چې د مچیو یا د شاتو د تولید په برخه کې کار کوي، ښه به دا وي چې له هغې خلکو سره یاد او نور خیریه بنسټونه د لبنیاتو د تولید او بازار ته د وړاندې په برخه کې همکاري وکړي.

| 09-08-2023

سلام،
زما نوم اخند زاده عبرت دی، د کندهار افغانستان اوسېدونکی یم.
زما د ګرځنده تلیفون شمېره ۰۰۹۳۷۰۰۳۳۰۴۵۲ ده.
زما د واټساپ شمېره ۰۰۹۳۷۰۰۳۳۰۴۵۲ ده.
مهرباني وکړئ زه په افغانستان کې بیړنیو مرستو ته اړتیا لرم. زه او زما ماشومان په ډېر غریب او بد حالت کې یو. د خپلو ماشومانو لپاره بیړنيو خوراکي توکیو او وچو شیدو ته اړتیا لرو او موږ د خوړو په برخه کې له ډېر مشکل سره مخامخ یو. د خپلو ماشومانو لپاره کافي خوراکي توکي او وچې شیدې نه لرو. مهرباني وکړئ خپله هڅه وکړئ او زما د ماشومانو ژوند وژغورئ.
زه به له تاسو څخه ډیره مننه وکړم چې له موږ سره مرسته وکړئ.
زه له تاسو څخه ډېر ژر ځواب ته سترګې په لار یم.
په ډېر درنښت،
اخوند زاده عبرت

ځواب ورکړئ