له ایران څخه را قاچاق شوي ټیټ کیفیت لرونکي درمل په افغانستان کې خطرونه رامنځته کوي

| 09-04-2022

له بده مرغه چې په دې وروستیو میاشتو کې چارواکو د نامنظمو پالیسیو په پلي کولو سره نه یوازې دا چې د خلکو لپاره د حیاتي درملو په واردولو کې خنډونه را منځته کړي، بلکې د روغتیايي اصلاحاتو د پلان په پلي کولو سره یې ټول لګښتونه د بانکي بیمې شرکتونو پر اوږو واچول. د بیمې شرکتونه نشي کولی د درملتونونو او ډاکټرانو اړتیاوې پوره کړي. ښایي د خلکو د خوشحالولو سیاست پلي کول ښه وي چې رایې ترلاسه کړي او د مشرتابه په څوکیو کې ناست وي، مګر د هیواد روغتیا او درملنه په فریبونو نشي ترلاسه کیدی.

| 09-04-2022

دا منو چې په نړۍ کې د قاچاق مخنیوی خورا سخت کار دی او افغانستان هم له دې مرداریو خلاص نه دی. که د موضوع بل اړخ ته فکر وکړو، هغه به دا وي چې، زمونږ افغان تجار که په قانوني توګه هم یو شی هېواد ته واردوي، کیفیت یې خراب وي. د دې په ځای چې په صحي لحاظ درته ګټه ورسوي، تاوان درته کوي. نو خبره دا ده چې قاچاقبر خو خاین دی ملي تجار مو تر هغه ډېر خیانت کوي. په افغانستان کې بلکې په ټولو وروسته پاتې هېوادونو کې دا مشکل شته. په دې هیله چې مسولین دې موضوع ته جدي پاملرنه وکړي، مجرم ونیسي او سزا ورکړي.

| 09-03-2022

یوازې دې ته زمینه سازي کېږي چې په افغانستان کې د بېلا بېلو توکو شته فابریکې وتړل شي او افغانستان په لویه کچه زیان وویني. ایران هڅه کوي چې په پوله ورسره پراته ولایتونه کې فابریکې فلج، کاریګر یې رخصت او سرمایه ګذاران دغه هېواد ته واوړي. پاکستان، چین، روسیه، تاجکستان، ازبکستان هم په همدې هڅه کې دي چې دوی سره پر پوله د پرتو ولایتونو پانګه ټولو او خپلو هېوادونو ته پانګوال ورکش کړي. چې دې کار سره به د تل لپاره افغانستان په ملا مات او د تاریخ په اوږدو کې به د پورته کېدو توان ونه لري. زه د هرات د فابریکو تر څنګ درته د کندهار احوال هم درکوم. کندهار کې د پنبې فابريکه لرونکي وايي چې پاکستان يې د صنعت د سقوط هڅې کوي. د دوی په وینا چې پاکستان يې ۳۰ میلیونه هغه ډالر نه ورکوي چې دوی پرې پنبه پلورلې. د پنبې د فابريکو څښتنان وایي، پاکستان په دې توګه هڅه کوي څو کندهار کې د پنبې شته فابريکې وتړي. که څوک غواړي د دې خبر ریښتیا یا دروغ معلوم کړي نو کندهار کې دې د پنبې له فابریکه لرونکو څخه وپوښتي. مننه

| 09-01-2022

په دې سره به په هرات کې شته د درملو ټولې فابریکې په ټپه ودرېږي او کوم متخصصین او عادي کارمندان چې په کې په کار بوخت دي بې روزګاره شي چې متخصصین به له وطنه وتښتي او عادي کارمندان به سوال کولو ته مجبور شي. په اقتصادي لحاظ به هغه پانګوال هم وځپل شي چې هرات کې یې د درملو په فابریکو پانګونه کړې ده. او له دې سربېره دا ډول بې کیفیته درمل پر ځای د دې چې ناروغ روغ او صحت یې ښه شي په بېلا بئلو لاعلاجه ناروغیو اخته کېږي. دا کار مه هر څوک کوي خو په سر کې یې حتماً ایرانیان لاس لري. پرون مې د یوه لوړپوړي ایراني چارواکي خبرې واورېدې، ویل یې چې هر بهرنی تبعه یې هېواد ته سل زره ډالر یوسي او پانګونه پکې وکړي نو دوی به ورته د ژوند کولو هر ډول زمینه سازي وکړي. له دې خبرې یې هم ظاهراً معلومېږي چې غواړي افغان پانګوال ایران ته ورشي او هلته خپل کاروبارونه وکړي.

| 09-01-2022

د بې کیفیته درملو واردولو کې تر ډېره افغان سوداګر ګرم دي. د معلوماتو له مخې افغان سوداګر چې کله هندوستان، پاکستان، ایران او یا بل کوم هېواد ته چې دوی ترې توکي افغانستان ته واردوي ځي؛ نو تجاران پخپله ارډر ورکوي چې کمپنۍ ورته څه ډول توکي که هغه درمل دي، خوراکي توکي دي، مبایل، که کمپیوټر او یا هم نور توکي ... دي برابر کړي. د مثال په ډول هغه دوا چې ډاکتران یې پاکستان کې ناروغانو ته ورکوي تر ډېره ښه کار کوي، خو هماغه دوا په هماغه نوم، لوګو او ترکیباتو که افغانستان کې ناروغ ته ورکول کېږي کار نه کوي. ناروغ د دوا له خوړلو ستړی شي یا یې میده پرې خرابه شي، خو کوم مرض چې لري هغه پرې نه ښه کېږي، ځکه چې وار له مخه کمپنۍ ته همداسې د ټیټ کیفیته درملو ارډر ورکول شوی دی. زه خو وایم تر هغه چې موږ خپل وجدان جوړ نه کړو او فکراً جوړ نه شو دا ستونزې به په خپل ژوند کې ګالو. او ټولنه به مو دغسې ورسره دربدره وي. د ټیټ کیفیت لرونکو درملو واردولو هغه که په قاچاقي ډول دي او که په قانوني یوازې د ایران څخه نه ده، له پاکستان او هند څخه هم ده چې وړاندې مو خپله غلطي په خپله ومنله. فلهذا موږ ته په کار ده چې خپله ښه انسانان شو او د ژوند چارې په خپله راسمې کړو.

| 09-01-2022

ښه، د ایران دریځ څرګند دی. ایران د افغانانو او افغانستان تاریخي دښمن دی او موږ له ایران څخه هیڅ تمه نه لرو. ایران تل هڅه کړې چې افغانستان کمزوری او پر ایران تکیه کړي. شرم دې وي په هغو بې وجدانه سوداګرو چې دا درمل افغانستان ته واردوي. دا فاسد سوداګر د څو افغانیو د ترلاسه کولو لپاره د خلکو له ژوند سره لوبې کوي. کله چې زموږ سوداګر له موږ سره دا ډول چلند کوي، نو له ایران او پاکستان څخه نور څه تمه ولرو؟ افغانان تل بهرني او ګاونډي هېوادونه ملامتوي، حال دا چې هېڅکله خپل مسووليت منلو ته چمتو نه دي. له بده مرغه زموږ په ټولنه کې له وظيفې څخه غفلت يو کلتور ګرځېدلی او په هر مقام او وظيفه کې خلک هڅه کوي چې خپل بار پر نورو واچوي او دا سمه نه ده. افغانان باید هڅه وکړي چې په خپلو تېروتنو اعتراف وکړي او بیا له نورو څخه ګیله وکړي.

| 08-31-2022

تر دې مخکې مې د سلام ټایمز په ویب پاڼه کې ولوستل چې د هرات صنعتي پارک له دې امله له ستونزو سره مخ دی چې د ایران حکومت له ایران څخه وارداتي برېښنا پرې کړې ده. دا په دې مانا چې ایران نه یوازې زموږ هېواد ته جعلي محصولات صادروي بلکې په افغانستان کې دننه د توکو د تولید مخه هم نیسي. پاکستان په جلال اباد او نورو ختیځو ولایتونو کې هم ورته منافقت کوي. ملعون پاکستان تاریخ تېر درمل او نور توکي جلال اباد ته راصادروي او بیا له هغه ځایه کابل ته راځي. په داسې پېښو کې یوازې پاکستانیان او ایرانیان ملامت نه دي. هغه افغان سوداګر چې له پاکستان او ایران څخه واردات کوي هغوی هم ملامت دي. دوی ولې افغانستان ته تاریخ تېر او ناقص توکي واردوي؟ عموماً، کله چې په افغانستان کې کوم شی تولیدیږي، د پاکستان او ایران څخه د ورته شیانو د واردولو لپاره باید لوړه تعرفه ولګول شي ترڅو د ورته توکو واردات ودروي. په احترام، مصطفی

| 09-01-2022

زه ستاسو له خبرې سره په بشپړه توګه موافق یم. ما هم دغه ټکي ته اشاره کول غوښتل. ستونزه یوازې د ایران او پاکستان نه ده. افغان سوداګر د ستونزې اصلي لامل دی. دا یوازې درمل نه دي، افغان سوداګر تل ټیټ کیفیت لرونکي توکي واردوي. کله چې دوی چین ته لاړ شي، هڅه کوي تر ټولو ټیټ کیفیت لرونکي توکي، چې د اصلي شیانو نقل وي، وارد کړي. نو زه فکر کوم چې د تعرفو د لوړولو تر څنګ باید حکومت پر ټولو وارداتي توکو خپل نظارت زیات کړي او د دغو بې رحمه او ذلیلو سوداګرو د وحشت او دهشت مخه ونیسي.

ځواب ورکړئ