یو اېس ای آی ډي په فراه کې سړه خونه تیاره کړه څو له بزګرانو سره مرسته وکړي چې ګټه ترلاسه کړي

| 09-04-2023

په ټوله دنیا کې مېوه جات او سبزیجات په دغه ډول سړو خونو کې ساتل کېږي. ګټه یې دا ده، چې نه بزګر تاوان کوي او نه ولس، کله چې موسمي میوه جات او سبزي جات مارکیټ ته ورسیږي، نو طبعي خبره ده، چې هلته مارکیټ کې ټول همدغو تازه مېو او سبزیاجاتو نیولی وي، نو حتما ارزانه وي، په دغسې حالاتو کې بزرګ ته سخته سدمه رسیږي. که سړې خونې شتون ولري، نو له اړتیا پرته مېوه جات او سبزیجات په سړو خونو کې زخیره کېږي، کله چې موسم تېر شي بیا بازار ته را ایستل کېږي او په مناسبه بیه خرڅیږي، چې په دې حالت کې بیا نه بزګر له تاوان سره مخ کېږي او نه ولس. سړي خوني باید ډیرېجوړې شي، خو سټنډر ته یې باید جدي پاملرنه وشي. بله خبره دا ده چې د بریښنا غم یې هم باید اوخوړل شي.

| 07-24-2023

د سړو خونو تاسیسات د نورو په پرتله د بزګرانو لپاره ډیر ګټور دي. کروندګر خپل کرنيز محصولات په سړو خونو کې ساتي، چې په موسم کې يې بيه ډېره ارزانه وي او له دوه يا درې مياشتو وروسته ورته محصول ښه ګټه کوي. په ټوله نړۍ کې کرنیز محصولات لومړی په سړو خونو کې ساتل کیږي. وروسته، کله چې دې محصول ته ښه بازار وموندل شي او د بزګر او سوداګر لپاره ښه ګټه په بازار کې ولیدل شي، بیا وروسته بازار ته وړاندې کیږي؛ نو دا یو ډیر ښه اقدام دی او دا سړې خونې باید نه یوازې زیاتې شي بلکې پیاوړې هم شي.

| 07-04-2023

دا سړې خونې د میوو او سبزیجاتو په ساتلو کې مرسته کوي، که نه نو په دې ګرمه هوا کې د میوو ساتل ستونزمن کار دی. فراه یو حاصلخیزه ولایت دی او د افغانستان خلک بې وزله دي. سبزیجات او میوې په لنډ وخت او په دې موسم کې نشي پلورل کیدلی. حاصلات ډېره موده روغ نشي پاتې کېدلی او کېدی شي چې کروندګر له اقتصادي زیانونو سره مخامخ شي. په فراه کې د یو اېس ای آی ډي په مرسته یوه سړه خونه جوړه شوه چې دا به له کروندګرو سره مرسته وکړي او هغوی به ترې ګټه واخلي. دا ډول سړې خونې باید په نورو ولایتونو کې هم جوړې شي څو له بزګرانو سره د هغوی د مېوو او سبزیجاتو په ساتلو کې مرسته وکړي.

| 07-04-2023

د اېس ای آی ډي له رهبرۍ څخه مننه چې سړه خونه یې جوړه کړه، خو په عین حال کې مو ترې غوښتنه ده چې د سړو خونو شمېر زیات او په هر ولایت کې جوړې شي. دا مو نه یوازې اېس ای آی ډي نه هیله او غوښتنه ده؛ بلکې په نورو خصوصي ادارو، مؤسساتو او دولتي ادارو هم غږ کوو چې د سړو خونو په شمېر کې زیاتوالی راولي. دا اوس په ختیځو ولایتونو کې پرېمانه سبزي کېږي (موسم یې دی) خو په ډېره ارزانه بیه خرڅېږي چې دهقانانو ته یې سخت مالي زیانونه واوښتل. یو من رومیان (۷ کیلو) په ۳۵ تر ۵۰ افغانۍ پورې په بازار کې خلک اخلي چې کېدای شي دهقان یې یا په شل یا هم په ۲۵ په پټي کې خرڅ کې چې غټ تاوان ویني. خو که چېرته په هر ولایت کې سړې خونې موجودې وي مطمین یم چې هم د سړو خونو مسؤلین ګټه کولی شي او هم دهقانان او باغداران. نه یوازې دا چې زموږ سبزي په ډېره ارزانه توګه بازار ته وړاندې کېږي، مېوې هم په همدې حال دي. څه موده وړاندې د ننګرهار د فارمونو ښې اعلی هندوانې من په ۴۰ افغانۍ خرڅېدې. خټکي هم په همدې ترتیب. کله چې د کندهار او تګاب انار راووځي هغه هم همداسې درواخله. د لوګر او میدان وردګو د مڼو له دې بدتر حال وي چې په آخر کې دهقان او باغدار خپل کار او کسب پرېښودلو ته اړ شي. نو د اېس ای آی ډي څخه ډېره زیاته مننه، لوی کار یې کړی، کور یې ودان خو د سړو خونو شمېر که زیات شي غټ کار به وي. په ضمن کې د سړو خونو د جوړېدو پر مهال باید معیار هم په پام کې ونیول شي هسې نه جوړې شي خو د مېوه جاتو او سبزيجاتو د خوندي ساتلو ظرفیت ونه لري...

| 07-03-2023

سړې خونې باید په ټولو هغو ولایتونو کې چې مېوې او ترکارۍ په کې ترلاسه کیږی، جوړې کړای شي. د میدان وردک ولایت د مڼو، د کندهار د انارو، د ننګرهار د نارنجانو او مالټو، د بلخ او مزارشریف د خټکیو او هندواڼو... د ذخیره کولو لپاره باید په اړوندو ولایتونو کې سړې خونې جوړې کړای شي څو د کروندګرو مېوې او ترکارۍ وساتل شي او په وروسته وختونو کې ډېره ګټه ترلاسه کړي. د سړو خونو تر څنګ، د افغانستان حکومت باید له نورو هېوادونو په ځانګړې توګه د منځنۍ اسیا هېوادونو سره اړیکې جوړې کړي، چې د افغانانو مېوې او ترکارۍ ورصادرې شي. بله خبره دا ده چې کله پاکستان منځنۍ اسیا ته لاره غواړي، باید د افغانستان حکومت هم هندوستان ته مستقیمه لاره ترلاسه کړي چې د افغانانو صادرات هم د هندوستان لوی بازار ته د پلورلو لپاره ورسول شي.

| 07-03-2023

دغه سړې خونې چې په فراه کې جوړېږي، ډېر مهم کار دی او بزګرانو ته به ډېره ګټه ورسوي. فراه یو زراعتي ولایت دی او دا ډول سړې خونې به د بزګرانو لپاره خورا ګټورې تمامې شي. کروندګر کولی شي خپل محصولات ذخیره کړي، هندواڼې، خټکي، پیاز، کچالو او داسې نور په دې سړو خونو کې ځای پرخای کړي او وروسته خپل محصولات په مناسبه بیه پلوري. د فراه ولایت کروندګر هر کال د خپلو محصولاتو لپاره د سړو خونو د نشتوالي له امله ډېر مالي زیانونه ګالي. د فراه ولایت کروندګر به په تدریجي ډول له دغو مالي زیانونو څخه خلاص شي. زه د یوه افغان په توګه دا کار ښه بولم او له نړیوالې ټولنې غوښتنه کوم چې په فراه ولایت کې دې دا ډول سړې خونې نورې هم جوړې کړي، څو د بزګرانو ستونزې په سمه توګه حل شي. افغانستان یو وروسته پاتې هیواد دی او خلک یې هم نابلده او غریب دي. دا ډول لومړنۍ مرستې به خلکو ته ډېره ګټه ورسوي، ځکه چې د سړو خونو د نشتوالي له امله هر کال بې وزله افغان بزګران خپل حاصلات په دومره ارزانه بیه پلوري چې د سرې او اوبو لګښت نه شي پوره کولی. په دې مياشت کې پاکستاني سوداګر زمونږ کرنيز محصولات اخلي او په ژمي کې هماغه کرنيز محصولات چې له افغان کروندګرو څخه یې په ارزانه بيه اخیستي وي، بيا يې په څلور يا پنځه چنده لوړ قیمت پلوري. دا زما غوښتنه ده، چې په ټول افغانستان کې دې ورته سړې خونې جوړې شي، ترڅو د کروندګرو ستونزې هوارې شي. په هر ولايت کې چې سړې خونې جوړې شوې، بزګران خپل کرنيز محصولات سړو خونو ته راوړي، څو مياشتې يې په سړو خونو کې ساتي او د اړتيا په وخت کې خپل کرنيز محصولات بازار ته وړاندې کوي. دا به دوه ګټې ولري، له یوې خوا د دوی کرنیز محصولات په ښه او مناسب قیمت پلورل کیږي، له بلې خوا بزګران له پور څخه خلاصیږي او خلک له ا